Sichen

Dir kéint och nach folgende gefalen

Afghanistan: Kann et Fridde mat den Taliban ginn?
Neiegkeeten

Afghanistan: Kann et Fridde mat den Taliban ginn?

D‘USA haten, zu Zäite wou d‘Russen aus dem Afghanistan e

Wéi gutt kenns du dech mam Kanton Veianen aus?
Neiegkeeten

Wéi gutt kenns du dech mam Kanton Veianen aus?

Veianen ass zwar eise klengste Kanton, mee en huet eng

9 Iddien, wéi s du der Lëtzebuerger Sprooch hëllefe kanns
Neiegkeeten

9 Iddien, wéi s du der Lëtzebuerger Sprooch hëllefe kanns

Gäre gëtt reklaméiert, datt et eiser Sprooch net gutt geet.

De Schmunzel – Eng ko(s)mesch Geschicht

Liesung vum Jhemp Hoscheit

De Schmunzel – Eng ko(s)mesch Geschicht

Am Kader vun der Ausstellung “Otherworlds” liest de Jhemp Hoscheit de Sonnden, 9. Dezember um 15 Auer aus sengem neie Kannerbuch « De Schmunzel » vir.

Dës nei Abenteuergeschicht fir Kanner mat Illustratioune vum Carlo Schneider ass net vun dëser Welt. Eng Geschicht tëscht Bëschdéieren an engem Steen. Engem Steen? Jo, mee dat ass keen normale Steen, loosst Iech iwwerraschen. Esou eng Entdeckung suergt natierlech fir eng grouss Opreegung. Wëssenschaftler sinn um ko(s)mesche Steen intresséiert a wëllen e mathuelen, fir en z’ënnersichen. Mee léisst de Schmunzel sech dat gefalen? E weist op eemol, datt e méi kann, wéi nëmme schmunzelen.

Dem Jhemp Hoscheit seng flott Sproochspiller a Kombinatioun mam Carlo Schneider senge faarweräichen Illustratioune maachen d’Geschicht galaktesch-lieweg. An dobäi ass se och nach héich aktuell. Duerch Referenzen zum Weltall, dem Space mining, den Emojien an der Astrophysik kritt d’Geschicht eng zousätzlech Dimensioun.

Et ass eng Geschicht fir Grouss a Kleng, fir Wëssenschaftler, fir Déierefrënn, einfach fir jiddereen, dee mol gäre schmunzelt. D’Participatioun un der Liesung ass fräi, Erwuessener (> 21 Joer) bezuele just den Entrée an de Musée. D’Liesung ass an der Ausstellung „Otherworlds“ am Naturmmusée.

De Schmunzel

Ab elo fir 18,00 € ënnert aanerem bei Editions Binsfeld ze kréien.

Ähnlech Sujeten De Schmunzel, Editions Guy Binsfeld, Jhemp Hoscheit, Kannerbuch, Liesung, Naturmusée, Otherworlds
Nächsten Artikel Virrechten Artikel