Search

You may also like

LCGB: Protest géint ongerecht Behandlung vu Chauffeuren
Neiegkeeten

LCGB: Protest géint ongerecht Behandlung vu Chauffeuren

Um 24. Januar 2020 huet ee vum LCGB organiséierte Protest virum

Trump setzt Mataarbechter vum ICC ënner Drock
Neiegkeeten

Trump setzt Mataarbechter vum ICC ënner Drock

Wëll den internationale Geriichtshaff géint US-Zaldoten ermëttelt, deene Krichsverbriechen am

Libesche Premier fuerdert international Schutztruppen
Neiegkeeten

Libesche Premier fuerdert international Schutztruppen

Haut fënnt zu Berlin déi grouss Libyen-Konferenz statt, bei där

No der Fermeture vum Jeudi: de Sozialplang läit um Dësch

No der Fermeture vum Jeudi: de Sozialplang läit um Dësch

Wéi bosseg et ass, wann deng Gewerkschaft als Aktionär indirekt däi Patron ass, an dann däi Betrib d‘Dieren zoumécht, dat erliewen a spieren um eegene Kierper d‘Salariée vun der bis dato beschter an investigatiivster Wochenzeitung „Le Jeudi“, eng Publikatioun vum Grupp „Editpress“.

De gréissten Aktionär vun Editpress – esou de Stand zum 1. Januar 2019 – dat ass mat 61% den OGBL. Weider Aktionäre sinn de Landesverband FNCTTFEL (17%), de Verband vun de Schoulmeeschter (2%), d‘LSAP (2,1%) wéi och „Le Monde“ (3,2%), de Lëtzebuerger Journal (8%) an e puer Privater (6%). Eng wichteg Informatioun am Kontext vum genannte Sozialplang.

E Sozialplang dee virläit a vum OGBL mat der Direktioun vun Editpress ënnerschriwwe gouf. An hei sinn d‘Gewerkschaftler dach awer zimlech houfreg, d‘Zuel vun den Entloossunge vu 15 op 10 erofgesat kritt ze hunn. Parallel dozou si begleedent Moossnamen a finanziell Kompenséierunge vereenbaart ginn. U Fachkenntnes huet et jo och net gefeelt, an et wëll een e gutt Beispill ginn.

Am Sozialplang sinn esou extralegal Entschiedegunge festgehale ginn, et besteet och d‘Méiglechkeet a Prepensioun ze goen, zudeem sollen déi entloosse Mataarbechter d‘Prioritéit genéissen, sollt et am Grupp nees nei Plaze ginn. Dat gewosst sollt een unhuelen, datt d‘Gewerkschaft mat sech selwer am Rengen ass, och wann et natierlech säitens der Direktioun eng aner „Versioun“ muss dozou ginn.

Esou befënnt d‘Direktioun vun der Editpress an hirem Communiqué, datt de Sozialplang wéinstens de Verdéngscht hätt ze existéieren. Si stellen nach lapidar fest, datt déi Vereenbarung fir keng vun de Parteie kann zefriddestellend sinn. Si erënneren drun, datt d‘Entscheedung sech vum Le Jeudi ze trennen onëmgänglech war. Et wier ëm d‘Virubestoe vum Grupp gaangen, deem et net gutt geet…

Mat aner Wierder: an der Escher Kanalstrooss sinn d‘Finanzen net besser wéi bei all deenen aneren. Et wiere schlecht Zäite fir déi bezuelte Medien, heescht et. Et géif awer keen Zesummenhang mat der gratis Zeitung l‘Essentiel ginn, déi vun Edita S.A. editéiert gëtt. Edita S.A. ass d‘Filial vun der Lëtzebuerger Editpress S.A. an der Schwäizer Tamedia S.A., déi op Massemedie spezialiséiert ass.

Vun do aus ze behaapten, d‘Problemer wieren hausgemaach, gëtt de Mataarbechter vum Grupp net gerecht, der Direktioun allerdéngs schonn. Eng Direktioun déi Zouversiicht ausstraalt an dovunner ausgeet, datt déi ganz Restrukturéirungsmoossnamen déi um Lafe sinn, dem Grupp genuch Loft verschaffen, fir sech den neie Verhältnisser um Maart unzepassen. Et géif dann och esou lues Zäit…

Related topics Editpress, Gewerkschaft, Kanalstrooss, Le jeudi, OGBL, Sozialplang
Next post Previous post