Search

You may also like

Neies vun der Covid19-Task-Force: Et muss besser kommunizéiert ginn!
Kultur

Neies vun der Covid19-Task-Force: Et muss besser kommunizéiert ginn!

Bei der gemeinsamer Pressekonferenz vun der LNS/Uni-Lëtzebuerg/LIH déi zesummegeholl als

Loosst eis de System änneren, net de Klima
Kultur

Loosst eis de System änneren, net de Klima

Déi kommunistesch Partei Lëtzebuerg (KPL) begréisst den Zesummeschloss vun „Youth

Orange Week: All zesumme géint d‘haislech Gewalt
Kultur

Orange Week: All zesumme géint d‘haislech Gewalt

Am Kader vun der Orange Week, déi vum Ministère fir

Indian Summer: Dead Sinners Live am Little Woodstock

No engem optrëtträiche Summer eng erfollegräicher EP, an enger gutt besichter Facebooksäit, hunn „Dead Sinners“ sech e Club-Owend zu Iernzen am Little Woodstock gegënnt. Fir d‘Fans an eng gelleg Band un „Rocker“ war et nees héich Zäit d‘Jonge Live ze erliewen.

An dat mannst wat ee ka behaapten, se hunn richteg Gas ginn. Et war en Owend ënner Frënn an d‘Freet, datt de Regis Orlando och nees endlech 100% a Form war, dat no engem klenge Malheur, riseg grouss. Den Dan Fastro huet säi bass kamoud duerchkniet an de Yves „Ditsch“ Deville senger Batterie kee Kaddo gemaach. Um Micro (an op de Gittar) e gelleg verléifte Lucas Ferraz.

Ofwiesselnd déi eege Kompositiounen an hei an do eng Reprise ageluecht, esou konnt et net langweileg ginn. Trotz enger kuerzer Paus, déi genotzt konnt gi fir e Maufel bei de Jonge vum Harley Club Lëtzebuerg z‘iessen, et war nees ee vun deenen Owender déi einfach ze schnell eriwwer ginn.

Nujee, de Little Woodstock awer ass eng gutt Adress fir een deen net weess wouhinner e säin Däiwelche soll entféieren. Gutt, et war och ganz kloer déi richteg Plaz, fir mat gudde Frënn bei knackeger Musek sech deen een oder anere Patt zu Gemitt ze féieren. Wéi och ëmmer, wien grad keen huet fir matzehuelen ass och wëllkomm an et ass mat Sécherheet een do fir ze schnëssen oder eng Partie Kicker ze maachen.

Fotosgalerie: © Martine de Lagardère/moien.lu

Related topics Dan Fastro, Dead Sinners, Little Woodstock, Lucas Ferraz, Regis Orlando, Yves Deville
Next post Previous post