Sichen

Dir kéint och nach folgende gefalen

An den USA ass d‘Korrespondenz vun enger Journalistin saiséiert ginn
Neiegkeeten

An den USA ass d‘Korrespondenz vun enger Journalistin saiséiert ginn

An den USA sinn d‘Organisatiounen zur Verdeedegung vun der Pressefräiheet

Iwwerschwemmungsgefor zu Lëtzebuerg
Neiegkeeten

Iwwerschwemmungsgefor zu Lëtzebuerg

No de schrecklechen Onwieder vun 2018, bei deene vill Leit

En Dag an der Natur – 300 spannend Aktivitéiten am Fräien
Neiegkeeten

En Dag an der Natur – 300 spannend Aktivitéiten am Fräien

Vum 1. Abrëll bis den 31. August 2019 organiséiert natur&ëmwelt

Déi gréng – Null Offall Stad Lëtzebuerg: elo!

Fuerderunge vun déi gréng un de Stater Gemengerot zur Missioun “Null Offall”

Déi gréng – Null Offall Stad Lëtzebuerg: elo!

Déi gréng sinn der Opfaassung, datt d’Stad Lëtzebuerg – trotz vereenzelte Beméiungen – bei der Offallvermeidung, dem Recycelen an der Reparatur däitlech méi maache misst. Dëse Freideg wëlle si eng Motioun mat konkrete Fuerderungen am Stater Gemengerot areechen – getrei nom Motto: “Null Offall Stad Lëtzebuerg: elo!”

Laut dem Communiqué vun déi gréng produzéiert d’Stad Lëtzebuerg ze vill Offall. Obwuel ee sech am Beräich vun der Offallwirtschaft beméie géif, sou géif an der Haaptstad méi Knascht pro Awunner wéi an anere Gemengen ufalen. Gläichzäiteg wier de Recycling-Undeel manner grouss wéi déi national gesaten Ziler. Säit der Aféierung vun de bronge Bio-Poubellen 2012 an enger Upassung vun den Tariffer 2017 fir d’Trenne vum Offall finanziell méi attraktiv ze maachen, wiere soss keng nei Moossnamen ergraff ginn.

Dobäi fannen déi gréng, datt e grondleeënd Ëmdenke stattfanne muss. Virrangegt Zil misst et sinn, manner Offall ze produzéieren oder idealerweis ganz ze vermeiden – insbesonnesch bei Verpackungen an Eewee-Produiten. Recycling wier just déi zweetbescht Strategie, well heibäi grondsätzlech mannerwäerteg Produiten entstinn.

Deemno wier et wichteg, wann d’Stad Lëtzebuerg an der Offallwirtschaft eng Virreiderroll anhuele géif. Zil wier et, e ganzheetlechen Usaz ze entwéckelen an d’Offall-Quantitéit pro Kapp däitlech ënnert den haitege Wäert vun 553 kg erof ze setzen, wouvu momentan nëmmen 41,6% weiderverwäert ginn. Dës Statistike ginn aus dem Ëmwelt-Rapport 2017 souwéi dem Aktiounsplang 2018 vun der Stad Lëtzebuerg ervir.

Véier Fuerderunge fir “Null Offall Stad Lëtzebuerg: elo!”

  • D’Stad Lëtzebuerg verflicht sech dem strategeschen Zil “Null Offall” an erschafft en Aktiounsplang, deen unhand vu konkrete Mesuren d’Erreeche vun dësem Zil festleet. Nëmmen duerch en ambitiéist Zil mat konkreten, erreechbaren an iwwerpréifbare Zwëschenziler gëtt d’Stad Lëtzebuerg hirer Verantwortung gerecht.
  • Plastikverbuet bei Fester an ëffentleche Veranstaltungen:
    Sämtlech Evenementer am ëffentleche Raum sollen nohalteg gestalt ginn. Déi gréng fuerderen dowéinst e komplett Verbuet vun Eewee-Plastik bei Veranstaltungen. Mat enger kompetenter Berodung ënnerstëtzt d’Stad all Veranstalter, fir manner Offall ze verursaachen. Dozou gehéiert och d’Bereetstellung vu weiderverwendbare Becheren a Geschir, souwéi dem Spullweenchen.
  • D’Offallsteier soll reforméiert ginn. Deemno géif een op d’Gewiicht besteiert ginn oder op d’Heefegkeet, wéi oft d’Poubelle muss eidel gemaach ginn. Dobäi sollen déi verschidden Offallzorten (Pabeier, Glas, Bio, Plastik- a Reschtoffall) getrennt kënnen agesammelt ginn. Gläichzäiteg solle méi Recyclingszenteren entstoen, wou nieft dem Recycelen och d’Reparatur an d’Weiderverwäertung gefërdert ginn.
  • D’Gemeng Lëtzebuerg misst och mam Ëmgang mat Liewensmëttel mam gudde Beispill virgoen. Sou soll si mat engem Aktiounsplang duerno kucken, datt an de Restauranten a virun allem a Schoulkantinne manner Bëtz gemaach gëtt.

Opmaacherfoto: (v.l.n.r.) De François Benoy, d’Linda Gaasch an d’Christa Brömmel informéieren hei op der Pressekonferenz en Dënschdeg, wat fir Fuerderungen déi gréng dem Stater Gemengerot an hirer Motioun stelle wäerten. © déi gréng

Ähnlech Sujeten déi gréng, François Benoy, Null Offall, Null Offall Lëtzebuerg, Recycling
Nächsten Artikel Virrechten Artikel