Déi nei Präsidente vun « déi gréng » aus der Stad

Déi politesch Partei « déi gréng » aus der Stad; huet zwee nei Präsidenten. Dës nei Ära gëtt mam Linda Gaasch an dem Paul Zens ugefaangen.

Op enger Generalversammlung gouf de Sonndeg, de 27. Februar dës Entscheedung getraff. Elo kënnen d’Linda Gaasch an de Paul Zens de Virstand wärend den nächsten zwee Joer geréieren.  

Et ass ewell déi zweete Kéier, datt de Paul Zens fir dëse Poste gewielt gouf.

« Et freet an éiert mech vill, als Virstandsvirsëtzenden nees gewielt ginn ze sinn. An den nächsten zwee Joer waarden grouss Erausfuerderungen op eis, déi mir, ewéi gewinnt am dynameschen Team meeschtere wäerten. Eis Approche: zeréck an d’Exekutive vun der Stad Lëtzebuerg – fir nohalteg Weeche fir d’Mënschen – an eng ëmweltfrëndlech Stad ze schafen. »

Och d’Linda Gaasch fënnt, datt si gutt opgestallt a motivéiert sinn.

« Mir wëlle méi ewéi de Status Quo. Dat heescht konsequente Klimaschutz, zum Beispill duerch méi Grénges an der Stad. Méi propper Loft a sécher Weeër fir Foussgänger a Velosfuerer. Sozial Gerechtegkeet, eng engagéiert Schoulpolitik, déi keen am Reen stoe léisst, Wunnproblematik an der Stad a Biergerbedeelegung gehéieren och dozou.

Dernières nouvelles