Search

You may also like

D‘POST Lëtzebuerg kämpft sech duerch d‘Päck
Money Neiegkeeten

D‘POST Lëtzebuerg kämpft sech duerch d‘Päck

De privatiséierte Staatsbetrib POST Lëtzebuerg – dee wéinst de massive

Brexit: Britesch Aarbechterpartei fuerdert en zweete Referendum
Money Neiegkeeten

Brexit: Britesch Aarbechterpartei fuerdert en zweete Referendum

No villem „hin an hier“ ass et e Méindeg am

Dee Wee zur Erëffnung vun engem neie FAL-Haus
Money Neiegkeeten

Dee Wee zur Erëffnung vun engem neie FAL-Haus

Déi säit 1996 gegrënnte „Fondation de l’autisme“ beméit sech hiert Leeschtungsspektrum

money

Eng Finanzgestioun “à la Dagobert Duck”, just ouni d’Milliounen!

Eng Finanzgestioun “à la Dagobert Duck”, just ouni d’Milliounen!

D’Partei déi Konservativ reagéiert per Pressematdeelung op de Budget fir d’Joer 2019, deen den Här Finanzminister Gramegna als “gesond” Basis fir Kompetitivitéit, sozial Gerechtegkeet, a Nohaltegkeet titeléiert an de 5. Mäerz 2019 an der Chamber virgestallt huet.

Am Fokus steet hei de Staatsbudget a sengem Total, deen trotz gutt lafender Konjunktur, e Minussold vun – 815.167.000 € – also ronn 800 Milliounen € opweist. D’Verschëldung vum Zentralstaat u sech, bleift weiderhin e Milliounelach an der Keess, well d’Depensesäit mat 19,6 Milliarden € méi héich ass ewéi d’Recettesäit – oder anescht: keen Equiliber, mä eng defizitär Augmentatioun vu bal 6 %! Och déi zentral Administratioun schléisst mat engem Milliouneminus of. D’Staatsschold läit enger Pronostic no, deemno bei 20,2 % Enn dëses Joers. Laanscht d’Wourecht kënnt och eise Finanzminister net, dee selwer agesteet, datt d’Schold an absoluten Zuelen, bis 2022 weider eropgoe wäert.

Fir déi Konservativ ass et eng Onverständlechkeet, wéi esou eng desaströs Finanzlag zustane kënnt, wann eng Wirtschaft gutt leeft, an op allgemengen, ekonomesche Fortschrëtt ze bauen ass. Mä mir sinn iwwerzeegt: D’Regierung verbrennt d’Geld an enger helle Wull vun Investissementer ouni Plang a Verstand. Do kann och d’Regierungspropaganda ëm e “virbildleche Klimaschutz” a “sozial Assistenz” net iwwert d’Realitéit ewechtäuschen …

Fir eis Partei steet jiddefalls fest: Et ass e Gepiddels a Gespills mat de Steiersuen, mä keng seriö Finanzpolitik! Et ass eng Finanzgestioun “à la Dagobert Duck”, just ouni d’Milliounen!

matgedeelt vun déi Konservativ

Related topics Budget 2019, Dagobert Duck, déi Konservativ, Finanzminister, Pierre Gramegna
Next post Previous post