Search

You may also like

Wäifestival am Delhaize – Iwwert 200 Produite maache Loscht op méi
International Neiegkeeten

Wäifestival am Delhaize – Iwwert 200 Produite maache Loscht op méi

Vum 17. September bis de 14. Oktober 2020 inclus luet

Breaking News: 10 Doudeger no Schéisserei zu Dayton (USA)
International Neiegkeeten

Breaking News: 10 Doudeger no Schéisserei zu Dayton (USA)

Laut der Police vun Dayton am Bundesstaat Ohio, huet e

Déi Escher CSV presentéiert sech als demokratesch alternativ
International Neiegkeeten

Déi Escher CSV presentéiert sech als demokratesch alternativ

Datt d‘CSV an der Minettemetropol wuel net als stäerkste Partei

Dem Erdogan seng Propaganda ënnert däitschem Beschoss

Dem Erdogan seng Propaganda ënnert däitschem Beschoss

Den Ausseminister an de Justizminister hunn en Dënschdeg zu verstäerkte Kontrolle vun de Moscheeën an Däitschland opgeruff. Déi géifen d‘Propaganda vum tierkesche President weiderleeden. Heimatter kritt de Sträit tëscht béide Länner eng nei Episode.

Nach virum Opruff, hat den Ausseminister Sigmar Gabriel d‘Unhänger vum Erdogan beschëllegt seng Fra ze harceléieren.

„Mir mussen uecht dinn, datt déi moslemesch Communautéite vun Däitschland net ënnert den Afloss vum President Erdogan falen“ schreiwe béid Minister an engem Beitrag am Spiegel. „Op kee Fall kënne mir Parallelgesellschaften toleréieren“ fügen se bäi.

„Mir dierfen och net d‘Geforen ënnerschätzen, déi vun de staatlechen Organisatioune vum Erdogan an Däitschland ausginn“ esou déi zwee sozialdemokratesch Ministeren, déi sech dofir asetzen, datt Däitschland „déi schützt déi sech géint de Kulturkampf an d‘Erdogan-Propaganda erhiewen“.

Den Appell dierf een als Äntwert op dem tierkesche President Erdogan säin Opruff gesinn, an deem hien d‘Tierken an Däitschland opfuerdert keng vun den dräi grousse Parteien, bei der Bundestagswahl vum 24. September ze wielen. Domadder si ganz kloer d‘SPD an déi konservativ Schwësterparteie CDU an CSU gemengt.

Säit dem verfeelte Putsch vum Juli 2016, gi vill tierkesch Verbänn an Organisatioune beschëllegt dem Erdogan seng aggressiv Politik ze verbreeden. Eng Politik déi besonnesch géint d‘Membere vun der grousser Koalitioun geriicht ass.

En Imam vun der DITIB, dee spionéiert soll hunn, huet d‘Communautéit duerchgerëselt a Berlin gezwongen den Toun ze hiewen. Den Ausseminister huet dann och d‘Unhänger vum Erdogan-Regime beschëllegt seng Fra bedréit ze hunn. Dat well se sech vum Erdogan senger Rhetorik dozou ermontert gefillt hätten.

De Kanzlerkandidat Martin Schulz (SPD) beschëllegt sengersäits den tierkesche President, d‘Sproch vun engem Kläpper ze notzen, net awer déi vun engem Staatschef. De Recep Tayyip Erdogan huet seng Frechheete mëttlerweil op de Sigmar Gabriel konzentréiert.

Foto: Den tierkesche President Erdogan léisst um däitschen Ausseminister kee gutt Hoer. Elo kréie seng Unhänger an Däitschland de Marsch geblosen (© Adem Altan/AFP)

Related topics Däitschland, Heiko Maas, Recep Tayyip Erdogan, Sigmar Gabriel, Tierkei
Next post Previous post