Sichen

Dir kéint och nach folgende gefalen

dislike
D’Xavier Naidoo Polemik, erkläert
Neiegkeeten Stories

D’Xavier Naidoo Polemik, erkläert

Die Söhne Mannheims hunn den 20. Mee en Optrëtt an

Gesiichtserkennung: Microsoft deckt sechs Prinzipien op an fuerdert Gesetzer ze maachen
Neiegkeeten Stories

Gesiichtserkennung: Microsoft deckt sechs Prinzipien op an fuerdert Gesetzer ze maachen

En Donneschdeg huet Microsoft géintiwwer der Gesiichtserkennung en Ensembel vu

Massive Prisonéieraustausch tëscht Kiew an de Separatisten
Neiegkeeten Stories

Massive Prisonéieraustausch tëscht Kiew an de Separatisten

Honnerten Ukrainer hunn an der Nuecht vum Mëttwoch op en

Den donkele Lëtzebéier vun der Béierhaascht: „Esou geet Béier!“

Den donkele Lëtzebéier vun der Béierhaascht: „Esou geet Béier!“

Wann de Braumeeschter Guy Majerus zu Käerjeng senger Konscht fräie laf léisst, dann ass gewosst: elo gëtt et nees eppes Aussergewéinleches. A mam Lëtzebéier dierf et dat dann och betounen. Hien ass donkel mee net däischter, kuckt dra wéi e klassesche „Stout“ ass awer wiesentlech méi frëndlech opgeluecht an dierf trotzt oder grad wéinst sengen 6,3% als „sëffeg“ bezeechent ginn-

An der Béierhaascht zu Käerjeng geet et jo och net ëm d‘Quantitéit mee wierklech ëm d‘Qualitéit. De Guy mécht Béier fir Kenner an därer déi et nach wëlle ginn. Bei dësem wierklech exzeptionelle Béierchen si ganzer 5 verschidden Zorte Malz an de beschten Happ agesat ginn. Mat vill Häerzblutt gouf e gebraut, a seng liicht Kaffis- bis Expresso-Nout verléint him eppes „Sëffeges“.

De Lëtzebéier „Donkel“ bestécht duerch seng natierlech Kuelesaier an huet eng liicht sämmeg Textur. Ënner Kollegen oder am Familljekrees, wien dëst nobelt Gedrénks um Dësch stoen huet, dee ka sech dem Luef sécher sinn. E bitt sech un a geselleger Ronn, wéi een hien och ganz am Stëlle ka genéissen, wann een de Schaffdag endlech ausklénge loosse kann.

Dëse Béier sollt ee mat ëm déi 8°C zerwéieren, well hien esou seng Variatiounen am beschten entfale kann. Natierlech eegent sech och de Lëtzebéier „Donkel“ zur Begleedung iwwer Dësch. Besonnesch elo wou d‘Wëld sech an d‘Kichen agelueden huet, sollt een an him eng realistesch Alternativ zum Wäin erkennen. Et ass jo och en artisanaalt Spëtzeprodukt vun héchster Qualitéit.

Hien huet sech hannert der drëtter Dier vum Béier-Adventskalenner verstoppt, mécht Loscht op méi a gehéiert mat Ofstand zum beschte wat de Lëtzebuerger Süden unzebidden huet. A wat besonnesch flott ass, et kann een dem Guy Majerus zuweilen och emol iwwert d‘Schëller kucken, well an der Béierhaascht, gëtt de Béier direkt am Restaurant virun den Ae vun de Cliente gebraut.

Foto: © Martine de Lagardère/moien.lu

Ähnlech Sujeten artisanale Béier, Béieradventskalenner, Beierhaascht, La Punta, Lëtzebéier Donkel
Nächsten Artikel Virrechten Artikel