Search

You may also like

money
Den Donald Trump besteiert den Import vum Stol an Aluminium
International Neiegkeeten

Den Donald Trump besteiert den Import vum Stol an Aluminium

D‘Ukënnegung vum US-President, ab e Méindeg den Import vu Stol

De Stroumausfall a Groussbritannien ass behuewen
International Neiegkeeten

De Stroumausfall a Groussbritannien ass behuewen

E Freideg Owend sinn op der britescher Insel d‘Luuchten ausgaangen,

Saudiarabien mat verbalem Ugrëff op den Iran
International Neiegkeeten

Saudiarabien mat verbalem Ugrëff op den Iran

Um Sonndeg huet Saudiarabien den Iran gewarnt, datt een net

Den Trump kuschelt mat sengem Groupie

De Viktor Orban op Besuch bei sengem Virbild

Den Trump kuschelt mat sengem Groupie

Ungarn an d‘USA sinn sech – zumindest wat déi nei politesch-ideologesch Ausriichtung betrëfft – esou no wéi ni, an och béid Staatscheffen hunn sech offensichtlech ganz gären. Esou ergëtt et sech, datt dëse Sommet vun den Humanisten, 10 Deeg virun den EU-Wahlen, net vun ongeféier ass.

Am Kontext vun der Beschëllegung géintiwwer Moskau sech an den EU-Wahlkampf anzemëschen, huet dem faschistoide Viktor Orban säi Besuch zu Washington natierlech „Signalwierkung“, a vill populistesch bis rietsradikal opgestallte Parteien, gesinn sech doduerch nees eppes weider bestätegt.

Trump

Et dierf an dësem Kontext och drun erënnert ginn, datt de Steve Bannon – dee vu Bréissel aus mat senger Lobbygrupp esou zimlech all rietsradikal a nationalistesch opgestallte Partei och finanziell ënnerstëtzt – den ungaresche President emol als „Trump virum Trump“ ëmschriwwen huet…

Trump

Dat gewosst, wonnert ee sech net, datt sech béid Demokraten a Weltverbesserer beschtens verstinn. Den US-President zum Orban: „Hie gëtt a ganz Europa respektéiert. Hien ass ewéi ech ëmstridden, mee dat ass esou och an der Rei. Si hunn eng gutt Aarbecht geleescht an hiert Land sécher gehalen“.

Keen Interessi un der EU

Et muss net méi erkläert gi firwat sech den Donald Trump mat Nationaliste wéi dem Viktor Orban, esou gutt verdréit, an och déi amerikanesch „Main Stream“ Medien dëse Sommet esou kuerz virun den EU-Wahlen als „Signal“ erkannt hunn. De Milliardär huet d‘EU ëmmer als Géigner bezeechent.

Vun do aus, zur Allianz mat deene Kräften, déi d‘Unioun vu bannen eraus zerstéiere wëllen, ass et e klenge Schratt. „D‘Mënschen hu Respekt fir dëse Premierminister. Kuckt iech emol d‘Problemer an der EU un. An dat well si et anescht wéi de Premier gemaach hunn“, esou den Donald Trump.

Trump

Onheemlech vill Luef gouf et och fir dem Viktor Orban seng Awanderungspolitik. Dem Ungar säi „pickegen Drot“ mat deem Mënschen op hirer Flucht viru Krich, Folter an Honger, sollen opgehale ginn, gëtt an Amerika och vun de Medie gären als „Virbild“ fir d‘Mauer mat Mexiko beschriwwen.

Dozou de Viktor Orban: „Mir sinn houfreg drop zesumme mat den USA géint illegal Migratioun an Terror ze kämpfen, an déi chrëschtlech Gemenge bei eis an op der Welt ze schützen“. Wat domatter gemengt ass: d‘Institutionaliséierung vum Friemenhaass an d‘Isolatioun vun der Weltgemeinschaft.

Trump

Net ze vergiessen, datt béid begnodegt Diplomaten sech och eens doriwwer sinn, datt „liberal“ Medie vill ze vill Fräiheeten hunn, an d‘Frechheet besëtzen déi och ze notzen. Si setzen sech dann och mat vill Häerzblutt fir eng Aschränkung vun der Presse- a Meenungsfräiheet an Europa an.

mat indymedia/was/lon

Foto: Zwee Politiker déi sech virgeholl hunn Europa als Verbond opzeléisen. © White House

Related topics Donald Trump, EU-Wahlen, Europawahlen 2019, Grenzschléissung, Illegal Migratioun, Immigratioun, Populismus, Viktor Orbán
Next post Previous post