Search

You may also like

Schluecht ëm Raqqa an de finaler Phas
Neiegkeeten

Schluecht ëm Raqqa an de finaler Phas

Den Islamesche Staat (IS), oder besser gesot dat wat nach

money
Lëtzebuerg net erfreet iwwert d‘Besteierung vum Digitalen
Neiegkeeten

Lëtzebuerg net erfreet iwwert d‘Besteierung vum Digitalen

Um Freideg huet de Finanzminister Pierre Gramegna bedauert, datt d‘EU-Kommissioun

USA: Sexuelle Mëssbrauch an der kathoulescher Kierch
Neiegkeeten

USA: Sexuelle Mëssbrauch an der kathoulescher Kierch

Et ass déi éischte Kéier an der Geschicht vun den

Den US-President huet eng Iddi: „Eng Solar-Mauer als Grenz“

Den US-President huet eng Iddi: „Eng Solar-Mauer als Grenz“

Den Donald Trump huet um Mëttwochowend am Iowa, op engem politesche Meeting zu Cedar Springs, eng Iddi betreffend d’Mauer déi hien tëscht Amerika a Mexiko baue wëll, virgedroen. Se soll mat Solar-Panneau’en ausstafféiert ginn, an sech esou quasi selwer finanzéieren.

„Jo mir wäerten eng Mauer bauen. Mir brauchen se, mir musse verhënneren, datt Drogen an eist Land kommen“, huet den Trump sengen Unhänger an kënnt op de Punkt: „Ech verroden iech eng Iddi, vun där nach ni een héieren huet: d’Süd-Grenz, vill Hëtzt, vill Sonn… Mir denken driwwer no d’Mauer als Solar-Mauer ze bauen. Dat produzéiert Energie a géif se finanzéieren“.

Dobäi war eigentlech seng ursprénglech Iddi, d’Mexikaner de Bau berappen ze loossen. Dat haten déi awer ganz frëndlech refuséiert. An esou erkläert den amerikanesche President weider: „Iwwerleet ee Moment: wat d’Mauer méi héich ass, wat se méi Wäert produzéiert! Eng flott Virstellung, gell? Meng Iddi… Mir wäerte gesinn. Et wier fantastesch.“

Net ganz seng Iddi

D’Administratioun huet virun ee puer Méint een Appell lancéiert, vir Virschléi eranzekréie, wéi sech d’Mauer kéint baue loossen. Ënnert de sëlleche Proposen déi agaange sinn, och ei vun engem Geschäftsmann aus Las Vegas. Hei hat och schonn den Thomas Gleason d’Méiglechkeet vu Solar-Panneau’e ernimmt.

Erënnere mer dann nach emol dorunner, datt déi onsäglech Mauer eent vun den gréissten a wuel och bossegste Versprieche vum Trump, während senger Wahlcampagne war. De bau vun esou engem Wierk – extrem deier – ass zum haidegen Dag beschtefalls ee Projet. Ee Projet deen den Trump awer onbedéngt wëll ëmsetzen.

De Kongress, op Drock vun den Demokraten, wëll sech awer bis elo net der Finanzéierung vun dëser Mauer zouwennen. Bis haut sinn just Mëttel gestëmmt ginn, déi den Ënnerhalt vun den existente Strukture garantéiert. D’Schluecht ëm de Finanzement geet eréischt richteg lass, wann d’Gespréicher fir de Budget 2018 am Oktober gefouert ginn.

Foto: Den Donald Trump erkläert den 21. Juni zu Cedar Springs (Iowa) sengen Unhänger, datt d’Mauer tëscht den USA a Mexiko mat Solarstroum kéint finanzéiert ginn (© Nicholas Kamm/AFP)

Related topics Donald Trump, Mexico, USA
Next post Previous post