Sichen

Dir kéint och nach folgende gefalen

Stage-Gesetz: der ACEL platzt de Kolli
Money Neiegkeeten

Stage-Gesetz: der ACEL platzt de Kolli

Fir de Lëtzebuerger Studenteverband (ACEL) ass dat neit Stage-Gesetz (7265)

Foire Agricole Ettelbréck mat neie Rekorder
Money Neiegkeeten

Foire Agricole Ettelbréck mat neie Rekorder

De Weekend iwwer war et nees esou wäit: D’Foire Agricole

geek
Better Call Saul weist, datt e Prequel muss duerchootme kënnen
Money Neiegkeeten

Better Call Saul weist, datt e Prequel muss duerchootme kënnen

Wéi Breaking Bad ugelaf war, war dat de Start fir

money

Der STATEC hire Bléck op d‘Solden

Der STATEC hire Bléck op d‘Solden

De Verbraucherpräisindex ass am Juli géintiwwer dem Juni ëm 0,5% zeréckgaangen, esou de Constat vum nationale statisteschen Déngscht STATEC. Eng Baisse déi awer elo och net wierklech iwwerraschend kënnt, déi gëtt et un a fir sech all Summer, an ass hei haaptsächlech mat de Solden a Verbindung ze bréngen.

Wann een dann elo déi ganz Zuelen eppes „neutraliséiert“, also Solden a Pëtrolsproduiten aus der Rechnung eraushëlt, da stellt ee fest, datt d‘Präisser bei de Gidder an den Déngschtleeschtungen ëm 0,1% zougeholl hunn. Mat de Solden hunn eng ganz Rëtsch Wueren zolidd präislech d‘Läpper hänke gelooss. Dat gëllt ganz besonnesch fir d‘Textil- a Schongbranche wou d‘Präisser ëm bis zu 10,6% erofgaange sinn. Och bei de Bijoutieren an Auermécher läit d‘Baisse bei 4,3%.

Bei de Pëtrolspräisser gëtt dogéint eng Hausse, nodeems hei de Präis un der Pompel wärend dem Confinement deels dramatesch an de Keller gaange war. Am Juli hunn déi sech dann nees eppes erkritt: Bensin +3,9% – Diesel +4,3% – Mazout +10,5%. Kléngt esou, mam Bléck op déi dréchen Zuelen, no engem massive Sprong, ass et awer. D‘Baisse géintiwwer dem Virjoer läit bei -13,5%.

Interessant dann d‘Baisse bei de Liewensmëttel – am Verglach zum Juni – wou bei Uebst a Geméis d‘Präisser ëm 3,1% respektiv 5,4% agaange sinn. D‘Fleesch an d‘Gedrénks (ouni Alkohol) zitt mat +0,2% ganz liicht un. Géintiwwer 2019 ginn d‘Liewensmëttel awer weider méi deier (+2,3%). Dat gesot bleift den Inflatiounstaux eenegermoosse Stabil: am Juni +0,7% – an Juli +0,9%. Esou kann ee festhalen, datt zum Stand op haut, d‘Lag fir d‘Konsumente weiderhinn iwwersiichtlech bleift.

Illustratioun: © Markus Spiske / unsplash

Ähnlech Sujeten Inflatioun, Statec, Verbraucherpräisindex
Nächsten Artikel Virrechten Artikel