Sichen

Dir kéint och nach folgende gefalen

dislike
Ze vill Bürokratie an ze oppen: de Macron wëll Europa reforméieren
Kultur Neiegkeeten

Ze vill Bürokratie an ze oppen: de Macron wëll Europa reforméieren

Haut stellt den Emmanuel Macron seng Virschléi fir Europa ze

Contournement: De Suessemer Gemengerot huet d‘Flënt an d‘Kar gehäit
Kultur Neiegkeeten

Contournement: De Suessemer Gemengerot huet d‘Flënt an d‘Kar gehäit

Jorelaang hunn sech d‘Volleksvertrieder am Suessemer Gemengerot géint de Contournementsprojet

Police: Wat op eise Stroossen esou lass war
Kultur Neiegkeeten

Police: Wat op eise Stroossen esou lass war

Et war nees en ustrengenden Donneschdeg fir eis Polizisten. Si

DÉSOEUVRÉS #21: Haut den Owend an de Rotondes

Nieft der Plack!

DÉSOEUVRÉS #21: Haut den Owend an de Rotondes

Nodeems déi lescht Saison opgrond vun „enger klenger Pandemie“ leider an d’Waasser gefall ass, sinn „Désoeuvrés“ dëst Joer erëm do. Haut gëtt mat vill Humor a Spannung e literareschen Owend an de Rotondes gefeiert!

Sechs Joren am Lëtzebuergesche literareschen Ënnergrond, am Café Rocas, zesumme mat Auteur*innen ewéi dem Nico Helminger, dem Nathalie Ronvaux, dem Francis Kirps oder dem Claudine Muno, déi duerch spilleresch Erausfuerderunge goe missten. Sechs Joer, an deenen Talenter vun haut entdeckt gi sinn.

Schliisslech koum der Ekipp eng verréckt Iddi: Si wëlle méi professioneller ginn. A siwe Minutte Spillzäit ass et mat der Erhuelung eriwwer: Mat der Ënnerstëtzung vum Kultusministère, vum CNL an de Rotondes hu si e gewaltegt Comeback organiséiert: eng Liesung am Zeeche vun der Musek.

De Jean-Marc Ceci,  den Tullio  Forgiarini, d’Laura Märker an d’Nora  Wagener  hunn sech mat de Lëtzebuerger Gruppe Stiff Peaks a Gregario zesummegedoen, fir en Owend ze schafen, deen als onvergiesslech bezeechent kéint ginn, wa mir eis Zäit dofir genotzt hätten, gewéinlech Pressematdeelungen ze verfaassen. Mä aplaz eng ganz Rëtsch Wierder niewenteneen ze stellen, bidde mir Iech d’Geleeënheet, sech selwer vun engem Owend ze iwwerzeegen, deen sech mat Sécherheet als wonnerbar a beräicherend erweise wäert.

D’Dieren machen um 19.30 Auer op, d’Virstellung fänkt um 20.00 Auer un. Fir Spectateuren ënnert 26 Joer kascht den Entrée 6 € an der Oweskeess, respektiv 10 € an der Oweskees fir jiddwereen iwwer 26 Joer.. Et wäerten eenzel Dëscher ginn an géint Honger an Duuscht ass virgesuergt.

Weider Informatioune ginn et op rotondes.lu.

Vill Spaass!

Ähnlech Sujeten Désoeuvrés, Jean-Marc ceci, Literatur, Musek, Nieft der Plack!, Nora Wagener, Spektakel, Tullio Forgiarini
Nächsten Artikel Virrechten Artikel