Sichen

Dir kéint och nach folgende gefalen

Fir de schnellen, encadréierten a breeden Accès op Gesondheetsproduiten
Meenung

Fir de schnellen, encadréierten a breeden Accès op Gesondheetsproduiten

Mat der Kreatioun vun enger nationaler Agence fir Medikamenter a

money
Erhéijung vum soziale Mindestloun ëm 100€!
Meenung

Erhéijung vum soziale Mindestloun ëm 100€!

De Lëtzebuerger Finanzminister Pierre Gramegna, sou wéi de Minister fir

Lëtzebuerg gënnt sech en A400M
Meenung

Lëtzebuerg gënnt sech en A400M

Déi Lëtzebuerger Arméi besëtzt zanter Abrëll e Militärfliger vum Typ

Sorry, Donald, mee esou funktionéiert et net

E Kommentar

Sorry, Donald, mee esou funktionéiert et net

Et misst ee laang sichen, fir een ze fannen, dee sech selwer als Rassist bezeechent. An nach méi laang, fir een ze fannen, deen et och eescht mengt. Et verwonnert also net, datt den Donald Trump sech selwer net als Rassist bezeechent. Dommerweis geet dat net duer, fir sech vun dem Virworf ze befreien. Well et ass hei wéi anzwousch anescht och: Dote si méi wäert wéi Wierder.

Mee fänke mer trotzdem bei de Wierder un: Aner Länner als „Shithole Countries“ ze bezeechnen ass, ganz einfach betruecht, schonn emol en Zeeche vun engem Mangel u Respekt. Dat huet näischt méi eppes mat „vun der Long op d’Zong“ ze dinn, et ass einfach eng Frechheet an eng diplomatesch Dommheet vum héchste Grad. De Parzeläinsbuttek huet do net nëmmen e liichte Schued. En ass dem Äerdbuedem gläich gemaach ginn.

Lëpsebekenntnisser ginn och hei net duer. Et muss een sech och selwer hannerfroen an d‘Saach upaken.

Richteg rassistesch gëtt et dann, wann do afrikanesch Natioune mat nordeuropäesche verglach ginn an d‘Preferenzen fir déi eng oder aner gewise ginn. Et ass och nach ignorant, einfach sämtlech historesch Faktoren ze ignoréieren, wann een iwwert Natioune schwätzt. An deen Ament ass kloer, datt d‘Aart a Weis, wéi d‘Länner behandelt ginn, eben och op Viruerteeler baséiert, an net jiddereen d‘selwecht respektéiert gëtt.

A genee dëst ass de Kär vu Rassismus.

Et kënnt nach dobäi, datt den aktuelle President vun de Vereenegte Staaten Tiki-Fakel-droent a „Jews will not replace us“-ruffen Neonazie verteidegt an och soss a senger Vergaangenheet net grad iwwerzeegt huet, wann et ëm d’Gläichbehandlung a Gläichsetzung vun den ethnesche Gruppe geet.

Kuerz: Et geet net duer, sech selwer als „net rassistesch“ ze bezeechnen. Dat ka jiddereen! Et muss een och deementspriechend handelen. An do huet den amerikanesche President nach op mannst esou vill ze maachen, wéi eis „ech si jo kee Rassist“-Leit, déi een op Facebook ze gesi kritt.

Foto: JIM WATSON / AFP

Ähnlech Sujeten Donald Trump, Rassismus, USA
Nächsten Artikel Virrechten Artikel