Sichen

Dir kéint och nach folgende gefalen

75 Joer „Fridden“ an Europa (Analys)
International Neiegkeeten

75 Joer „Fridden“ an Europa (Analys)

Aus de bekannte Grënn gëtt haut d‘Enn vum zweete Weltkrich

D‘Chamberwahlen erkläert…
International Neiegkeeten

D‘Chamberwahlen erkläert…

Et ass Wahlkampf, an déi politesch Parteien a Beweegunge beméien

Lëtzebuerg braucht méi a virun allem mi sécher Vëlosweeër
International Neiegkeeten

Lëtzebuerg braucht méi a virun allem mi sécher Vëlosweeër

Bei der Generalversammlung vun der Lëtzebuerger Vëlos Initiativ (LVI) war

Mindestens néng Doudeger no Äerdbiewen

Mindestens néng Doudeger no Äerdbiewen

Bei engem Äerdbiewen un der iranesch-tierkescher grenz sinn op mannst néng Persounen an der Tierkei ëm d‘Liewe komm. Béidersäits der Grenz huet et Blesséierter ginn. D‘Biewen hat laut dem europäeschen Äerdbiewenobservatoire (EMSC) eng Stäerkt vu 5,7 op der Richterskala an säin Epizenter soll a sechs Kilometer déift beim Duerf Habsch e-Olya geleeë sinn.

Engem éischten offizielle Bilan folgend, sinn an der tierkescher Provënz Van, néng Affer nom Biewen ze bekloen. Aus dem Büro vum Gesondheetsminister Fahrettin Koca heescht et weider, datt 37 Persoune blesséiert goufen an datt 8 dovunner géifen a Liewensgefor schwiewen. Am tierkesche Fernseh waren Opname vun agestierzte Leem-Häipen an de verschneiten Dierfer ze gesinn.

Laut dem Inneminister Süleyman Soylu, hunn d‘Rettung- a Sécherheetskräften alles am Grëff an ënnert den Trëmmer géife keng weider Affer vermutt. Op iranescher Säit gëtt et och Affer ze bekloen. Hei sinn 43 Dierfer deels méi oder manner schwéier betraff, Doudeger gëtt et zum Gléck keng, mee mindestens 40 Persoune solle verletzt gi sinn. E méi geneeë Bilan soll haut virleien…

Äerdbiewen

Äerdbiewen am Iran a besonnesch hei an der Grenzregioun sinn „normal“. Ënnert dem Iran verlafen eng ganz Rëtsch un tektonesche Brochlinnen, firwat d‘Land dann och regelméisseg mat dëser Form vu Naturkatastroph ze kämpfen huet. Dat lescht gréissert a leider verheerend Äerdbiewen hat 2017 an der Westiranescher Provënz Kermanshah ginn. 620 Mënsche ware bei dësem Biewe gestuerwen.

Dat bis ewell schlëmmsten Äerdbiewen hat et 1990 ginn, wou de ganzen Norde vum Iran betraff war. E Biewe mat der Stäerkt vu 7,4 op der no uewen oppener Richterskala hat sengerzäit, 40.000 Mënscheliewe gefuerdert, iwwer 300.000 Leit ware blesséiert ginn an honnertdausenden Haiser goufen dem Buedem gläich gemaach. Eng hallef Millioun Iraner hu missen nei logéiert ginn.

mat indymedia/tlv

Illustratioun: © Pitara

Ähnlech Sujeten Äerdbiewen, Iran, Tierkei
Nächsten Artikel Virrechten Artikel