Sichen

Dir kéint och nach folgende gefalen

Saudesche Kinnek op Konfrontatiounskurs mat den Ajatollahen
Kultur Neiegkeeten

Saudesche Kinnek op Konfrontatiounskurs mat den Ajatollahen

Dee vum saudesche Kinnekräich organiséierten „duebele“ Sommet vum Golf-Kooperatiounsrot an

Brexit: London a Bréissel beschléissen en Accord-Projet
Kultur Neiegkeeten

Brexit: London a Bréissel beschléissen en Accord-Projet

En Dënschdeg huet déi britesch Regierung duerchblécke gelooss, datt et

The Original USA Gospel Singers & Band zu Besuch am Trifolion
Kultur Neiegkeeten

The Original USA Gospel Singers & Band zu Besuch am Trifolion

Iwwer 20 Joer Tournee-Erfarung a méi wéi eng Millioun Fans

Nei am Verlag Guy Binsfeld: D’Schmetten an d’Schmooen

Een neit Kannerbuch vum Axel Scheffler a Julia Donaldson

Nei am Verlag Guy Binsfeld: D’Schmetten an d’Schmooen

Dat neit Kannerbuch D’Schmetten an d’Schmooen erzielt vun enger verbuedener Léift op engem Planéit wäit ewech. D’Babett gehéiert zum Vollek vun de Schmetten, de Jo zu deem vun de Schmooen.

Déi eng si rout, déi aner blo, an all Kand léiert vu klengem un, dass een net mat deenen anere spille soll. Mee d’Babett an de Jo halen sech net un d’Reegele vun hire Grousselteren. A wéi dat an de grousse Libesgeschichten esou ass, maachen si sech heemlech dervun…a fléie fort an de Weltall.

D’Famille vun deenen zwee sichen iwwerall no der jonker Koppel an esou entseet eng spannend a lëschteg Geschicht, déi d’Akutalitéit vun eiser Zäit op eng flott a sensibel Aart a Weis reflektéiert.

Déi nei Kannergeschicht vum Bestseller-Duo aus England kënnt dësen Hierscht a 17 Sproochen eraus. Den Axel Scheffler huet wéi gewinnt déi faarweräich Illustratioune gezeechent an den original engleschen Text, deen d’Martine Schoellen an d’Lëtzebuergescht iwwerdroen huet, staam vum Julia Donaldson.

D’Buch D’Schmetten an d’Schmooen ass, wéi d’Dedicace vun den Auteure Scheffler an Donaldson et scho seet, ee Buch „fir all d’Kanner an Europa.“

D'Schmetten an d'Schmooen

© Martine de Lagardère/moien.lu

Weider Detailer zum Kannerbuch

Um 27. September 2019 ass D’Schmetten an d’Schmooen erauskomm. D’Wierk huet 32 Säiten, kascht 14,50 € an ass gebonnen. ISBN: 978-99959-42-53-3

Zu den Auteuren

D’Julia Donaldson ass 1948 zu London gebuer an huet op der University of Bristol Literaturwëssenschaft a Franséisch studéiert. Spéider huet hatt als Lektorin, Journalistin a Léierin geschafft, ass elo Schrëftstellerin a wunnt zu Glasgow. D’Julia Donaldson huet eng ganz Rei Kannerbicher geschriwwen, ënnert anerem och De Grüffelo, säin éischte groussen internationale Succès.

Den Axel Scheffler gouf 1957 zu Hamburg gebuer. Do huet hien och Konschtgeschicht studéiert, éier hien an der Bath Academy of Art am englesche Corsham Grafik geléiert huet. Zënter 1986 lieft den Axel Scheffler zu London. Seng Illustratioune vum Grüffelo hunn hien international berühmt gemaach.

D’Martine Schoellen ass 1965 zu Lëtzebuerg op d’Welt komm. No der Première am Dikrecher Kolléisch huet hatt Germanistik an Anglistik op der Universität des Saarlandes studéiert. D’Martine Schoellen ass Däitschproff. Bei den Éditions Guy Binsfeld huet hatt schon de Grüffelo, Dem Grüffelo säi Kand, Zog an Den Zog an d’Dokteren aus der Loft vum Julia Donaldson an Axel Scheffler aus dem Engleschen an d’Lëtzebuergescht iwwersat.

Ähnlech Sujeten Axel Scheffler, D'Schmetten an d'Schmooen, Editions Guy Binsfeld, Julia Donaldson, Kannerbuch, Literatur, Martine Schoellen
Nächsten Artikel Virrechten Artikel