Sichen

Dir kéint och nach folgende gefalen

Bildung a Fuerschung: Zäit sech en Iwwerbléck ze verschafen
Meenung Neiegkeeten

sand mountain matchmaking

Viru kuerzem hat et eng éischt Entrevue tëscht dem SEW-OGBL

ceca dating
Meenung Neiegkeeten

Déierentransporter an der EU: Een erniichternde Fazit

Vergaangenen Donneschdeg huet d’EU-Parlament mat enger grousser Majoritéit een Ëmsetzungrapport

D’Sechswochemass fir de verstuerwene Groussherzog
Meenung Neiegkeeten

D’Sechswochemass fir de verstuerwene Groussherzog

Wéi de groussherzoglechen Haff elo matgedeelt huet wäert d’Sechswochemass zu

Editorial: Wann d‘Demande d‘Offer bestëmmt

Editorial: Wann d‘Demande d‘Offer bestëmmt

Laut engem Bericht vun Eurostat ass Lëtzebuerg dat Land an der europäescher Unioun an deem – proportionell betruecht – déi meeschten Autoe geklaut ginn. An effektiven Zuele waren et 2018 alles an allem 265 Gefierer déi esou en neie Proprietär fonnt hunn an och eis Poliziste fannen, datt gemooss un der Awunnerzuel, dat scho beträchtlech ass een awer och muss relativiséieren.

Iwwert déi lescht Jore gesinn an am direkte Verglach zum Zäitraum 2012-2015, sinn d‘Autodéifställ réckleefeg: 2016 (242); 2017 (288) an 2018 (265). Bis dohinner waren et eigentlech ëmmer iwwer 300 Autoen déi geklaut goufen. Am meeschte geklaut gëtt an der Stad an zu Esch, wou elo erëm jiddereen dierft soen: „Jo dat ass jo och kee Wonner!“ wat awer eppes mat der Gréisst ze dinn huet.

Wien elo d‘Fro stellt, firwat grad Lëtzebuerg fir d‘Brigangen esou interessant ass, deen ass schlecht a Geografie. Och wann déi sëlleche Stauen op eise Stroossen d‘Grenzen u sech, zäitlech eppes méi vum Zentrum ewechgeréckelt hunn, esou huet en héicht Verkéiersopkommes och vill Virdeeler, dat well sech d‘Gauner an der Mass verstoppe kënnen. An nuets ass een nees séier op der Grenz…

Et ass also verhältnesméisseg einfach, wann een en passend Gefier fonnt huet, dat dann och aus dem Land ze bréngen. A wat d‘Gefierer betrëfft, esou gëtt et do ee grousse Choix besonnesch am méi luxuriéisen awer och sportleche Segment. Well „proportionell“ gesinn, gëtt et zu Lëtzebuerg Modeller wéi Porsche, BMW an/oder Audi – déi vill Leit uspriechen – am absoluten Iwwerfloss.

Gutt dat sinn och déi Marken déi ëmmer nees vu sech behaapten déi beschte Schutzvirriichtungen ze hunn, woubäi natierlech och déi „onéierlech Händler“ keng Technologiebanause sinn a längst hiren technesche Virsprong ausgebaut hunn. Grad bei „Keyless“ Gefierer gëtt gären zougeschloen an hei kann ee recommandéiere wat ee wëll, Sécherheet am eigentleche Sënn gëtt et einfach net.

Iwwregens – et ass zwar nëmmen en Detail an awer – wann d‘Gefier bis d‘Land verlooss huet, gëtt et kaum eng Chance dat erëmzekréien. An wann esou e Gefier emol am Ausland opfonnt gëtt, dann huet et meeschtens Schued erlidden an/oder et ass richteg komplizéiert säi Besëtz nees auszeléisen. Zudeem ass déi grouss Majoritéit vun de geklauten Autoe Vollkasko-verséchert. Also kee Stress…

Illustratioun: Envato

Ähnlech Sujeten Autosdéifstall, Déifstall, EUROSTAT, Lëtzebuerg, Police, Vollkaso
Nächsten Artikel Virrechten Artikel