Sichen

Dir kéint och nach folgende gefalen

Brexit: EU-Membere ginn der „Scheedung“ gréng Luucht
International Meenung

Brexit: EU-Membere ginn der „Scheedung“ gréng Luucht

E Méindeg hunn déi 27 Länner vun der Unioun –

cool
The Meyerowitz Stories ass eng grouss Iwwerraschung – virun allem fir Leit, déi den Adam Sandler net ausstoe kënnen
International Meenung

The Meyerowitz Stories ass eng grouss Iwwerraschung – virun allem fir Leit, déi den Adam Sandler net ausstoe kënnen

Wann ee mer gesot hätt, datt ee vu menge léifste

Dammefussball 1/8 Final Coupe de Luxembourg: SC Beetebuerg erziilt paradisescht Resultat
International Meenung

Dammefussball 1/8 Final Coupe de Luxembourg: SC Beetebuerg erziilt paradisescht Resultat

Bei engem Wieder wou een eigentlech keen Hond hannert dem

Editorial: Wat e Gedeessems mat deem Brexit

Editorial: Wat e Gedeessems mat deem Brexit

Zu Salzburg, beim informellen EU-Sommet vun de Staatscheffen, do huet si nach geglënnert, déi britesch Premierministesch Theresa May. Wéi si nees doheem war, huet déi ëmstridde Politikerin der BBC an dem Guardian am Interview erkläert, si wier „erniddregt“ ginn. Si hat sech erwaart, datt wann een hire Plang vu Chequers net gutt fënnt, ee wéinstens eng Géigepropos sollt virleeën.

Ass et der gudder Fra eventuell entgaangen, datt et d‘EU ass déi sech vu Groussbritannien trenne wollt? A war et net si, déi den 2. September versprach hat, eng enk Handelsbezéiung tëscht der EU a Groussbritannien bäizebehalen? Gutt, hir Propose an net mat de Reegele vum EU-Bannemaart kompatibel, als Member vun der Unioun, hätt dat engem an hirem Ëmfeld dierfe bekannt sinn.

Mee Groussbritannien war ëmmer schonn eppes „anescht“, wéi hir „Gesëschter“ aus der grousser europäescher Famill. Versteesdemech hunn ech dann allerdéngs, datt Groussbritannien kee gesënnerte Statut fir Nordirland wëll hunn, dofir huet d‘Theresa May jo och eng Fräihandelszon ugebueden. Dat kläert awer net d‘Fro vum fräie Wueren- a Mënscheverkéier, an dat ass de Problem.

Dann ass et och nach esou, datt sech déi zwou gréisste politesch Fraktiounen an Nordirland, iwwert d‘Zukunft vun der Grenz mat Irland oneens sinn. Keen, och net d‘EU, wëll nees eng „physesch“ Grenz, woubäi sech Bréissel fir eng Léisung mat „Sécherheetsnetz“ entscheet huet, an domatter d‘Verhandlunge leschten Dezember nees relancéiert hat. Dat gëtt a Fro gestallt…

Et ass dann och den EU-Rotspresident Donald Tusk, deen sech nees muss dohinner stellen a vu sech behaapten, datt hien „iwwerzeegt bleift, datt et nach zu engem, fir béid Säiten, gudde Kompromëss kënnt“. Am gläichen Otemzuch awer seet hien och: „D‘Positioun vu Groussbritannien déi kuerz virun a während der Reunioun vu Salzburg presentéiert gouf ‚haart a kompromësslos‘ ass“.

Hei gëtt et faktesch esouvill Widderspréch, datt een sech elo, lues awer sécher, net méi sollt op e Brexit mat „Accord“ sollt astellen. D‘Fraktioun „pro-Brexit“, déi jo de Nigel Farage reaktivéiert huet, mécht sech zudeem och staark fir en „haarde Brexit“. An zu Bréissel gëtt villen den éiwege „Mimimi“ vu London gehéierlech op d‘Nerven. Et wier elo un der Zäit Kloertext ze schwätzen.

Ähnlech Sujeten Brexit, Chequers, Donald Tusk, Nigel Farage, Theresa May
Nächsten Artikel Virrechten Artikel