Search

You may also like

UN-Klimasommet: Ouni Emissiounen iwwert den Atlantik!
Meenung Neiegkeeten

UN-Klimasommet: Ouni Emissiounen iwwert den Atlantik!

D’Rees vu Plymouth op New York wäert fir d’Klimaaktivistin Greta

Back to the Books: Mir weise kee Stil, mir deelen en!
Meenung Neiegkeeten

Back to the Books: Mir weise kee Stil, mir deelen en!

Säi Schreifstil fënnt een, andeems ee verschidden Aflëss mëscht. Genau

Sozialwahlen 2019: Eng Gewerkschaft iwwertrëfft sech selwer
Meenung Neiegkeeten

Sozialwahlen 2019: Eng Gewerkschaft iwwertrëfft sech selwer

Et kann een de Houfert vun der gréisster Lëtzebuerger Gewerkschaft

Editorial: Eppes hin an hir gerappt

Editorial: Eppes hin an hir gerappt

Meng Positioun zu „Klimawandel“ an „Äerderwiermung“ dierft dem opmierksame Lieser vun eiser butzeg klenger Online-Zeitung net entgaange sinn, an awer gëtt där Momenter wou een och als opgekläerte Mënsch mam eegene Gewësse liicht an d‘Schleidere kënnt. Esou gëschter, wou déi jonk Leit vum Mouvement „Youth for Climate“ sech op d‘Ouverture vun der Fouer invitéiert hunn.

Natierlech ass et medial betruecht e gudde Schachzuch, och wann et natierlech deels vu gewësse Medien „bewosst ausgeklammert“ respektiv „marginal“ erwähnt ginn ass. Ech hunn dann och zimlech mat mir selwer gestridden, ob mir elo déi Traditioun méi wichteg ass wéi d‘Engagement fir eise Planéit, deen – dat ass hoffentlech jidderengem bewosst – eenzegaarteg an onersetzlech ass.

An tatsächlech weess ech nach ëmmer net ob et sënnvoll ass, Mënschen déi fir ee puer Stonne vun de schlechten Nouvellen an sonstegem Stress Ofstand huele wëllen, e schlecht Gewëssen ze maachen. Vun de leit déi op d‘Fouer kommen, dierft en ähnlech groussen Undeel wéi och soss am Alldag, beméit sinn besser op d‘Ëmwelt uecht ze doen. Et soll ee jo net op alles musse verzichten.

D‘Aktioun selwer war gutt a virun allem „Stressfräi“ organiséiert ginn. Kee Mënsch gouf bedrängt an eis Police huet sech, an och dat soll ee hinne wierklech zerguttst halen, virbildlech zréckgehalen. Elo muss sech dann awer nach erweisen, datt de Mouvement Youth for Climate Lëtzebuerg, mat dëser Aktioun aner Leit wéi déi schonn Iwwerzeegte fir sech konnt gewannen.

Foto: Mam Bolsonaro senge Pyromanen déi de Reebësch am Amazonas offakelen, haten dës jonk Mënschen, déi hir Zukunft virun e Liewen a „Saus un d’ Braus“ stellen, e wierklecht gutt Argument bei der Ouverture vun der Schueberfouer „eppes Kaméidi ze schloen. Si sollten an hirem Bestriewen d‘Welt e Stéck besser an nees Liewenswäert ze maachen, ënnerstëtzt ginn. Kritik un der Aktioun sollt also „konstruktiv“ sinn, wat e Verstand viraussetzt deen eiser Gesellschaft verluer gaangen ass. © Martine de Lagardère/moien.lu

Related topics Klimawandel, No Planet B, Schueberfouer, Youth For Climate Luxembourg
Next post Previous post