Search

You may also like

The Ouroboros – Ausstellung am Casino Lëtzebuerg
Meenung

The Ouroboros – Ausstellung am Casino Lëtzebuerg

Den Austauschprogramm 2018/2019 tëscht Taiwan a Lëtzebuerg geet a seng

Thailand: …an ob emol war do eng Kinnigin
Meenung

Thailand: …an ob emol war do eng Kinnigin

Dräi Deeg viru senger Kréinung, huet den thailännesche Monarch Vajiralongkorn

Ried vum LCGB-Nationalpresident Patrick Dury zum 1. Mee
Meenung

Ried vum LCGB-Nationalpresident Patrick Dury zum 1. Mee

Well et opgrond de Restriktiounen, ervirgeruff duerch d‘Covid19-Pandemie dëst Joer

Editorial: Et soll nees gespent ginn!

Editorial: Et soll nees gespent ginn!

Beim Lëtzebuerger Roude Kräiz ass et nees de Mount vun der Spent, an hei gi bis zum 30. Abrëll net manner wéi 2.000 Benevoller an den Asaz geschéckt, fir Geld anzesammelen. Geld, esou den offizielle Sproochgebrauch, dat fir Aktiounen um Terrain agesat gëtt an zum Zweck huet deenen Äermsten a Bedierftegsten ze hëllefen. Et ass och d‘Geleeënheet de Veräi besser kennenzeléieren.

Elo ass et wuel net verkéiert ze behaapten, datt iwwert d‘Kreatioun vu „sozialen Epicerien“, der bestoender Kleederkummer an villem anere méi, vill a gutt am Sënn vun de Mënschen am Besoin gemaach gëtt. An awer ass mäi Vertrauen an d‘Rout Kräiz net dat bescht. Oniwwersiichtlech an transparent wéi en hëlzent Briet, ass mir dee Veräin ze vill „Systemrelevant“ fir éierlech ze sinn.

An ech si beileiwen net deen eenzegen deen zanter enger Rei Joer esou seng berechtegt Zweiwel un der Gemengnëtzegkeet vum Roude Kräiz huet. Zum enge kann een am Fall vum Roude Kräiz (mee och villen anere Verbänn) vun engem sougenannte „Wohlfahrt-Konzern“ schwätzen deen zum Beispill an Däitschland eleng mat Blutt– a Kleederspenden 2016 honnerte Milliounen ëmgesat huet.

D‘Leit sinn dann och net wierklech vum Roude Kräiz begeeschtert, an oft héiert ee vu jonke Mënschen déi e Studentenjob op enger Gemeng wéilten, datt si besser Kaarten hätten, wa si dem Roude Kräiz beim „Sammelen“ eng Hand géifen upaken. Déi wou et gemaach hunn, ginn dann un, datt si éischter „net Wëllkomm“ waren, an et virzuchsweis déi eeler Leit sinn, déi eppes ginn.

Elo ka mat sengem Geld jidderee maache wat e wëll, mee wien hautdesdaags Spende wëll sollt et sech gutt iwwerluecht hunn. Geet eenzeg ëm dat gutt Gewëssen, oder kann een dat ganzt vun de Steieren ofsetzen, ass d‘Rout Kräiz eng sécher Valeur. Geet et drëms Mënsche wierklech ze hëllefen an hätt een et gären datt d‘Spend do Ukënnt woufir se geduecht ass, da brauch et Alternativen.

Related topics Rout Kräiz, Spenden, Spendenaktioun, Systemrelevant, Wohlfahrtsverband
Next post Previous post