Search

You may also like

CFL-Baustellen op der Linn 10 a Linn 60
Meenung Neiegkeeten

CFL-Baustellen op der Linn 10 a Linn 60

D’Haaptzil vun der CFL besteet doran, dem Client héichwäerteg Déngschtleeschtungen

Frankräich: vun 90 op 80Km/H fir manner Doudeger op de Stroossen
Meenung Neiegkeeten

Frankräich: vun 90 op 80Km/H fir manner Doudeger op de Stroossen

Onpopulär awer néideg… haut annoncéiert déi franséisch Regierung d‘Erofsetze vun

Gault & Millau Lëtzebuerg – den beschte Kach vum Joer gouf ausgezeechent
Meenung Neiegkeeten

Gault & Millau Lëtzebuerg – den beschte Kach vum Joer gouf ausgezeechent

De bekannte gastronomesche Guide Gault & Millau huet gëschter d’Gewënner

Editorial: Geheimniskréimerei virun den EU-Wahlen

Editorial: Geheimniskréimerei virun den EU-Wahlen

Et freet ee sech heiansdo wat sech déi dichteg Hären zu a ronderëm Bréissel denken, wann se sech hannert verschlossen Diere mat Theme beschäftegen, vun deenen se genee wëssen, datt se hinnen zäitno op d‘Féiss falen. Esou de Fall mat deem ominéise Fräihandelsofkommes mat den USA, deen eis allen als TTIP bekannt ass. Deen hat sengerzäit den Trump zerrappt, well en him net gefall huet.

En huet net eleng dem US-President net gefall. Virun allem sinn d‘Bierger an der EU géint den „Accord vun a fir d‘Konzerner“ Stuerm gelaf. Déi vun de Konzerner gestéiert EU-Politiker an déi mächteg Lobbygruppen hunn sech doriwwer ewechgesat. An hätten sech net d‘USA aus de Verhandlungen zréckgezunn, da wier den TTIP (grad wéi JEFTA a CETA) längst ratifizéiert.

A wann et an Europa ëm Wirtschaftsfroe geet, gëtt e séier „perséinlech“ an den opmierksame Bierger zur „Gefor“. Et ass awer och eng Sauerei, datt et Bierger gëtt, déi selbststänneg Denken, hir Meenung ze äussere wëssen a sech matenaner verbannen, fir d‘Lige vu Politik a Wirtschaft an der Ëffentlechkeet ze verbreeden. Da gëtt eben alles verheemlecht, well dat esouvill besser ass…

Interessant dann awer, datt sech hautdesdaags näischt méi verheemleche léisst, an och bei esou Sëtzungen hannert verschlossen Dieren, sech ëmmer nees op mannst ee fënnt, deen den eegene Veräin „torpedéiert“ an Erzielt wat een net wëssen dierf. An dann ass et och nach esou datt se zu Bréissel – zumindest anstandshalber – iwwert d‘Sëtzunge beriichten, also net alles geheim ass.

Si setzen dann och op d‘Kuerzzäitgediechtnes vun de Bierger, déi d‘Knaschtereie vun de Politiker, bis se sech an der Wahlkabinn entscheede mussen, souwisou vergiess hunn. Sech dann awer doriwwer iergeren, datt d‘Bierger de Populisten an aneren Nationalisten nolafen, ass bosseg. A mëttlerweil kann ee bedaueren, datt kengem Kandidat fir d‘EU-Wahle méi ze trauen ass.

Vläicht sollt een d‘Kandidatelëschten duerch d‘Opstellung vun de Verwaltungsréit vun de wichtegste multinationale Konzerner ersetzen. Da géif een zumindest wësse wiem een um Enn tatsächlech seng Stëmm ginn huet. Ech mengen, wann si d‘Gesetzer kënne selwer schreiwen, mat den Deputéierten an de Beamten zesummen am „Bett leien“, sollten se och dierfen offiziell regéieren…

Related topics CETA, EU-Kommissioun, EU-Wahlen, Geheimniskréimerei, JEFTA, multinational Konzerner, TTIP
Next post Previous post