Sichen

Dir kéint och nach folgende gefalen

Emotional Trauerfeier fir den George Floyd
Meenung

Emotional Trauerfeier fir den George Floyd

D‘Famill, Frënn a Vertrieder aus Politik an Zivilgesellschaft, hunn gëschter

geek
Handy ouni Batterie entwéckelt
Meenung

Handy ouni Batterie entwéckelt

Amerikanesch Wëssenschaftler hunn en Handy entwéckelt, dee ganz ouni Batterie

Jumanji: Welcome to the Jungle hätt kënnen e richteg faule Film ginn. Zum Gléck goufen di richteg Decisioune getraff
Meenung

Jumanji: Welcome to the Jungle hätt kënnen e richteg faule Film ginn. Zum Gléck goufen di richteg Decisioune getraff

Se waren net sou faul, wéi se sech et hätte

Editorial: Keng Léift, déi iwwert alles geet

Editorial: Keng Léift, déi iwwert alles geet

Op säi Land houfreg ze sinn ass kee Feeler. Mee et ass wéi bei ville Saachen: Et ass d’Dosis, déi et mécht. Op Nationalfeierdag säi Land ze feieren ass wuel eng grondleeënd Manifestatioun. Seng Mannschaft am Sport ze ënnerstëtzen, wuel och. De Problem kënnt dann, wann ee säi Land fir dat bescht – a virun allem – méi wichteg wéi déi aner hält.

An Europa, wéi och uechtert d’Welt, gouf sech net wéineg iwwert dem Trump säin „America First“ ameséiert. Net nëmmen ass et eng staark illusoresch an isolationistesch Tendenz, si zitt och komplett un der Realitéit laanscht. Eppes, wat sech am Ofschid zu de Paräiser Accorden manifestéiert huet. An zu deem herrlech dadaistesch lächerlechem Sproch „Ech sinn de President vun de Bierger vu Pittsburgh, net Paräis” gefouert huet. Wou géint sech de Pittsburger Buergermeeschter wiert, profitéierte en dach vum Öko-Boom. Mee dat nëmme sou niewebäi erwähnt.

Dësen Egozentrismus hu weder den Trump nach d’USA patentéiert. En ass och hei ze fannen, an enger total iwwerzunnener Versteigerung an d’Landesprooch Lëtzebuergesch, där hiert Ausstierwen dauernd um Horizont vermutt gëtt. Se awer a Realitéit bei wäitem net ass. Et ass nëmmen e Symptom, eng Igel-Taktik, vir sech virun „deenen do baussen“ ze schützen. Op déi do baussen engem tatsächlech eppes Schlechtes wëllen, ass do onwichteg.

Doduercher erkläert sech och vill Haass op d’EU. Wat am Fall vu Lëtzebuerg relativ absurd ass. Ëmmerhin war eist Ländchen un der Grondsteeleeung vun dëser Institutioun bedeelegt. A mir spillen eng disproportionell grouss Roll. Dat sinn eigentlech Qualitéiten, op déi mer houfreg op eist Land kënne sinn. An dach héiert een se ëmmer erëm, op den digitalen a realen Stammdëscher, déi no enger Ofschafung vun der EU jäizen.

Dobäi ginn et esou vill flott Méiglechkeeten, säi Land ze éieren. Seng Konscht a Kultur ze genéissen, zum Beispill. Am beschten mat aneren. An dobäi ni ze vergiessen, iwwert den Tellerrand ze kucken.

Ähnlech Sujeten Editorial, EU, Lëtzebuerg, Patriotismus
Nächsten Artikel Virrechten Artikel