Sichen

Dir kéint och nach folgende gefalen

HARIKO – bis November 2019 am Tunnel Gronn
International Neiegkeeten

HARIKO – bis November 2019 am Tunnel Gronn

Scho säit Mëtt Juli luet den Tunnel am Gronn op

What the Fakt – den Dag un dem d’Musek gestuerwen ass
International Neiegkeeten

What the Fakt – den Dag un dem d’Musek gestuerwen ass

Um 3. Februar fält an den USA ee Fliger erof.

money
Fantastesch Entwécklung am Logement
International Neiegkeeten

Fantastesch Entwécklung am Logement

Gëschter huet de Statec sech zur Lag vun der Präisentwécklung

Ee Parquet fir Europa – Wéi wäit sinn se?

Ee Parquet fir Europa – Wéi wäit sinn se?

D’Schafung vun engem europäesche Parquet gëllt als Resultat vun engem weeweisende Projet fir d’EU am Beräich vun der Justiz an der Sécherheet. Donieft dréit dës Kreatioun och als decisiv Etapp zur Verdéiwung vum riichterlechen europäesche Raum bäi.

Als Opnamestaat vum europäesche Parquet begleet Lëtzebuerg mat Äifer dëst neit Organ vun der EU. Säit dem Ophuele vum Reglement zum europäesche Parquet am Oktober 2017 sinn déi lëtzebuergesch Autoritéiten am reegelméissege Kontakt mat der europäescher Kommissioun, déi an dësem Fall mam Etablissement an dem administrative Fonctionnement beoptraagt sinn.

Duerch ee gemeinsamen Accord mat der europäescher Kommissioun ass den Tour B als zukünftege Sëtz vum Parquet ausgewielt ginn. Direkt am Häerz vun der europäescher Justiz um Kierchbierg an, an direkter Géigend vun der Cour de Justice vun der EU wäert den Tour B als neit onofhängegt Organ am moderne Raum déngen an all d’Besoinen erfëllen. Heibäi gëtt natierlech enk zesumme geschafft, sou datt déi ideal Konditiounen zum Fonctionnement gesat ginn.

Et ass virgesinn, datt dat neit Organ seng Aufgaben fréistens 3 Joer nodeems d’Reglement a Kraaft getrueden ass, erfëlle muss. An dësem Fall ass d’Reglement um 20. November 2017 erauskomm, wouduerch am November 2020 den europäesche Parquet fréistens sengen Aarbechten nogoe muss. Allerdéngs läit den exaten Datum an der Hand vun der europäescher Kommissioun, déi iwwert d’Propositioune vum Chef vum europäesche Parquet decidéiere wäert.

Foto: © MAEE

Ähnlech Sujeten EU, Europäesche Parquet, Justiz, Kierchbierg, Sécherheet
Nächsten Artikel Virrechten Artikel