Sichen

Dir kéint och nach folgende gefalen

Flash-COVID N°2: Drogekonsum wärend der Pandemie
Meenung Neiegkeeten

Flash-COVID N°2: Drogekonsum wärend der Pandemie

Déi zweet Editioun vu Flash-COVID beschäftegt sech mat der Situatioun

Berlin: De City Hostel muss d‘Dieren zoumaachen
Meenung Neiegkeeten

Berlin: De City Hostel muss d‘Dieren zoumaachen

De City Hostel zu Berlin befënnt sech um Gelänn vun

What the Fakt – Den éischten Timber “One Penny Black”!
Meenung Neiegkeeten

What the Fakt – Den éischten Timber “One Penny Black”!

Mir schreiwen den haitegen Dag am Joer 1840. Bekannt ënnert

Effikass handelen géint d’Präissexplosioun beim Logement

Eng Motioun, déi dem Stater Gemengerot proposéiert substantiell d'Verméigenssteier op broochleiende Bauterrainen ze erhéijen

Effikass handelen géint d’Präissexplosioun beim Logement

Konfrontéiert mat der Krise am Logement, déi sech an der Stad Lëtzebuerg erauskristalliséiert, hunn d’LSAP, déi Gréng an déi Lénk um Méindeg, de 6. Juli eng Motioun beim Stater Gemengerot agereecht, déi d’Zil verfollegt sech schnell fir d’Schafe vu Wunnraum op Bauterrainen anzesetzen, déi zënter Joerzéngten express ongenotzt sinn.

Laut dem Lëtzebuerger Zenter fir sozio-ekonomesch Etüden LISER, kënnen 117 ha Terrain direkt an der Stad Lëtzebuerg bebaut ginn. Wa si fir Joerzéngten brooch leien, da läit dat ënnert anerem un der extrem niddreger Verméigenssteier. Vill Proprietär gesi keen Interessi dran se op de Maart ze setzen an zéien et fir ze waarden, datt d’Präisser weider an d’Luucht ginn.

Déi proposéiert Motioun well substantiell d’Verméigenssteier op Bauterrainen vun der Klass „B6“ erhéijen an d’Proprietären dozou bréngen se op de Maart ze setzen. Dat erméiglecht eng méi schnell Konstruktioun vu Wunnraum um Stater Terrain am schonn existente Perimeter vum PAG, wat dann den Drock op d’Präisser reduzéiert. Verschidde Gemengen, dorënner Iechternach, Beetebuerg, Hesper, Munneref a Schieren hu schonn éischt Schrëtt an dës Richtung gemaach, andeems si d’Verméigenssteier op dësem Typ Terrain verduebelen, jo souguer verdräifachen.

Déi folgend Motioun, déi ze vergläichen ass mat där, déi vum Dikrecher Gemengerot eenheetlech ugeholl ginn ass, presentéiert dräi essentiell Virdeeler:

  • Se léisst d’Gemengenautonomie spillen a ka sou schnell a mat staarkem Impakt handelen;
  • Se vermeit laang Diskussiounen ëm eng nei Festleeung vum Wäert vun den Immobilien – e Wäert deen nach ëmmer op de Präissniveau vun 1941 baséiert – , deen zënter Joerzéngten d’Ëmsetzung vun enger Reform bei der Verméigenssteier oder och ëm eng Spekulatiounstax blockéiert, wou een definitiv d’Kritäre festleeë misst an déi d’Gemengenautonomie iwwersteigt;
  • Se limitéiert sech op Bauterrainen mam Zweck fir spéider do ze wunnen, an concernéiert keng aner Kategorien vun der Verméigenssteier, sou wéi déi vun de stoende Gebaier.

Mir denken, datt et duerch d’Noutsituatioun eng Flicht vum Stater Gemengerot ass seng Responsabilitéit ze erfëllen an sech schnellstméiglech fir méi Logement anzesetzen mat de Méiglechkeeten, déi een huet. Dës Motioun bitt déi ideal Geleeënheet.

Matgedeelt vun der LSAP Stad, déi lénk Stad an déi gréng Stad Lëtzebuerg

Opmaacherbild: © John Moeses Bauan / Unsplash

Ähnlech Sujeten Bauterrain, déi gréng stad Lëtzebuerg, déi Lénk Stad, Logement, LSAP Stad, Motioun, Präissexplosioun, Stad Lëtzebuerg, Verméigenssteier, Wunnraum
Nächsten Artikel Virrechten Artikel