Search

You may also like

CGFP-Exekutive op eng éischt Entrevue mam Marc Hansen
Stories

CGFP-Exekutive op eng éischt Entrevue mam Marc Hansen

D‘Exekutive vun der „Confédération Générale de la Fonction Publique“ (CGFP)

Nach bis den 29. Mee: Verdeele vu Schutzmasken u Grenzgänger
Stories

Nach bis den 29. Mee: Verdeele vu Schutzmasken u Grenzgänger

Zënter dem 11. Mee 2020 si méi wéi 90.000 Këschte

Liquidatioun bei Saint Paul/Mediahuis
Stories

Liquidatioun bei Saint Paul/Mediahuis

Nodeems am Abrëll de Multimedia-Grupp Mediahuis NV als majoritären Aktionär

Ëmmer ee kille Kapp behalen

Ëmmer ee kille Kapp behalen

Bei dësem ganz agreabele Wieder, erënnert den ACL dorunner, datt et am Auto bei héijen Temperature schnell kann ongemittlech ginn, net nëmme fir de Chauffeur, mee wuel och fir d’Passagéier. „Wann ee weess, datt et an engem Auto deen an der Praller Sonn steet bis zu 60 Grad waarm ka ginn, da bedeit dat eng schwéier Laascht a gereizten Nerven“, esou den ACL.

E puer einfach Rotschléi

Fir deem mat Intelligenz ze begéinen, hei dann ee puer Rotschléi vum Automobilsclub iert een d’Steier an de Grapp hëlt.

  • Fir d’Temperatur am Auto schnell erofzedrécken, mat de Fënsteren op Lassfueren an dann d’Klimaanlag umaachen.
  • D’Klimaanlag bréngt eng reell Killung, mee den Temperaturënnerscheed tëscht Baussen a Bannen, sollt 6 Grad Celsius net iwwerschreiden. Eng ze grouss Differenz kann zu Kreeslafproblemer féieren. Fir ze verhënneren datt een sech de Schnapp fänkt, sollten och d’Loftdüsen net direkt op de Kierper geriicht ginn.
  • Am Stand, wann den Auto an der Sonn steet, ass et gescheit eng Ofschiermung vun der Sonn virzegesinn. Dat deet och dem Armaturebriet gutt. Gläichfalls ass e gutt beroden d’Sëtzer mat engem hellen Iwwerzuch ze bestécken, fir datt dës sech net esou schnell erhëtzen. Och sollten op kee Fall Kanner oder Déieren am Auto sëtze gelooss ginn.
  • Den Depart an d’Vakanz sollt een op, entweder ganz fréi Moies oder an d’Owesstonne leeën. Bei grousser Hëtzt sollt een eng Paus tëscht 12 a 15 Auer anhalen. Generell fir laang Strecken, ass ee gutt beroden all zwou Stonnen eng Paus anzeleeën.

Den ACL weist dann nach dorobber hin, datt d’Temperatur déi sech an engem Auto kann entwéckelen, och vun der Faarf vun der Karosserie ofhängeg ass. Tester hunn erginn, datt op engem Auto mat wäisser Faarf d’Baussentemperatur um Dach bannent 20 Minutte vu 25 op 55 Grad geklommen ass. Bei engem Schwaarzen Auto huet d’Temperatur am gläichen Zäitraum 70 Grad erreecht.

Related topics ACL, Automobil, Summer, Transport
Next post Previous post