Sichen

Dir kéint och nach folgende gefalen

Berlin: Eenegung am Tarifkonflikt fir den ëffentlechen Déngscht
Neiegkeeten

Berlin: Eenegung am Tarifkonflikt fir den ëffentlechen Déngscht

Et ware keng einfach Kollektivvertragsverhandlungen, déi et tëscht der Bundesregierung

Editorial: Pressehëllef – Broch mam Pabéier?
Neiegkeeten

Editorial: Pressehëllef – Broch mam Pabéier?

Wann et ëm Pabéier geet, dann ass d’Lëtzebuerger Presselandschaft gutt

ADAPTO: De „Collectif 1329“
Neiegkeeten

ADAPTO: De „Collectif 1329“

E Méindeg hat de „Collectif 1329“ – e Verbond vun:

Ëmoperéiert géint hire Wëllen

Ëmoperéiert géint hire Wëllen

Et ass ëmmer nach eng grausam Realitéit: Intersex-Kanner kréien duerch invasiv Operatiounen e biologescht Geschlecht zougewisen. Dës Operatioune geschéien oft schonn, wann se nach Bebéeë sinn. Dobäi sinn des Operatiounen, déi net méi réckgängeg ze maache sinn, aus medezinescher Siicht onnéideg. „Dës Normaliséierungs-Interventiounen ginn ouni vollstännegt Wësse vun hire laangfristeg potenziell negativen Effekter fir d’Kand duerchgefouert“, esou Laura Carter, Fuerscherin fir Sexuell Orientatioun an Gender-Identitéit bei Amnesty International.

Dobäi kënnen des Begrëffer schwéier Konsequenzen hunn, och wéinst den Stereotypen „déi diktéieren wéi e jong oder e Meedchen ze sinn huet“, wéi Laura Carter weider erkläert. An obwuel et kengerlee therapeutesch Justifikatioun fir des Agrëffer gëtt, ginn se weiderhin an Dänemark an an Däitschland ausgefouert. Dobäi si Schätzunge no 1,7% vun der Weltpopulatioun dem intersexuellem Spektrum zou ze uerdnen.

Wat ass Intersexualitéit?

Als Intersexuell bezeechent ee Persounen, déi sech net eendeiteg dem männlechen oder weiblechen Geschlecht zou uerdne loossen. Dëst kann genetesch, hormonell oder anatomesch bedéngt sinn.

Wat gëtt bei dësen Operatioune gemaacht?

Amnesty International konnt bei hire Recherchen e puer Beispiller nennen:

  •  Operatiounen, déi eng vergréissert Klitoris verstoppe sollen. Dobäi entstinn Narben a Péng.
  •  Operatiounen un der Vagina, déi iwwert d’Joer ewech widderholl ginn, vir domadder d’vaginal Ëffnung ze  vergréisseren
  • D’Ewegschneide vu Genitalien, wat irreversibel ass an hormonell Traitementer fir de Rescht vum Liewen noutwenneg maachen
  • Operatiounen, déi d’Urethra un d’Spëtzt vun de Penis setzen, fir datt domadder en als funktiounsfäeg consideréierten Penis entsteet, deen aus kosmetescher Vue normal ass. Des Operatioune kënne laangfristeg Komplikatiounen no sech zéien.

Et handelt sech heibäi also ëm Agrëff, déi wäit räichend Folgen hunn.

Wat misst sech änneren?

Amnesty International wëll net nëmmen, datt méi an dëser Hisiicht gefuerscht gëtt. Si empfeelen och, datt mat esou Operatioune gewaart gëtt, bis déi betraffe Persoun selwer eng Entscheedung geholl huet.

Ähnlech Sujeten Europa, Intersex, LGBT, Transgender
Nächsten Artikel Virrechten Artikel