Sichen

Dir kéint och nach folgende gefalen

GEWËNNSPILL 2020: Är Plaze beim „Live aus dem Parc“ zu Mäertert!
Neiegkeeten

GEWËNNSPILL 2020: Är Plaze beim „Live aus dem Parc“ zu Mäertert!

Sidd Dir bereet fir Kultur, Spaass a Musek? Am Kader

dislike
Däitschland scheitert u sech selwer
Neiegkeeten

Däitschland scheitert u sech selwer

Däitschland huet, esou wéi ech mer et erwaart hunn, eng

Kampf ëm Idlib: Elo stinn sech d‘Tierken an d‘Syrer géinteniwwer
Neiegkeeten

Kampf ëm Idlib: Elo stinn sech d‘Tierken an d‘Syrer géinteniwwer

Syrien, datt sinn de Baschar al-Assad a seng russesch Alliéiert

En Aarbechtsgrupp, dee Froen opwërft

En Aarbechtsgrupp, dee Froen opwërft

D‘Lëtzebuergescht huet sech a leschter Zäit zu engem beléiftene Sujet fir d‘Politik am Groussherzogtum gemausert. Ëmmerhin suergen sech d‘Sylvie Andrich-Duval an d’Martine Hansen, béid CSV-Députéierten, an hirer Parlamentarescher Ufro ëm d’Missiounen vun der Aarbechtsgrupp “Sproochen” – a perfektem Franséisch, wéi dat bei der CSV üblech ass.

Dobäi beruffen sech déi zwee Politikerinnen op en Artikel deen den 17. Mäerz, also viru bal zwee Méint, am Lëtzebuerger Land stoung. Den Artikel mam Titel „Zukunft heute denken“ vum Ines Kurschat beschäftegt sech mat den Aufgaben vun dësem Grupp, deen am Service de la coordination et de la recherche pédagogiques et technologiques (Script) ze fannen ass. Hei gëtt ënnert anerem doriwwer nogeduecht, wéi de Sproochenennerriicht an Zukunft gestalt ka ginn. Wat zu Lëtzebuerg natierlech eng zimlech komplex Fro ass, wou vill Emotioune matspillen. Schliisslech ass een vun de Kärthemen deen, wat fir eng Sprooch da wéi eng Gewiichtung kritt. An dorunner scheeden sech d‘Geeschter.

D‘Froen, déi hei gestallt ginn, si schnell iwwerbléckt an och enger méi einfacher Natur: Et gëtt gefrot, op d‘Informatiounen esou stëmmen, wat de Minister weider dozou soe kann a wat d‘Missiounen vun dësem Aarbechtsgrupp sinn. Och wéini wéini dann elo déi éischten Resultater solle verëffentlecht ginn.

Mee des Parlamentaresch Ufro ass nëmmen e klengen Deel vun engem gréissere Puzzle: Spéitstens mat der Petitioun 698, déi d‘Lëtzebuergescht als éischt Amtssprooch etabléiere wollt, gesäit sech d‘Regierung ënner Drock gesat. Dofir hunn de Minister fir Educatioun, Kanner a Jugend, de Claude Meisch, an de Staatssekretär am Kulturministère, Guy Arendt den 9. Mäerz en Aktiounsplang fir d‘Lëtzebuerger Sprooch an d‘Liewe geruff, deen 40 Punkte virgesäit. En „Zentrum fir d’ Lëtzebuergescht“ ass dobäi och virgesinn a soll mat den Acteuren, déi schonn do sinn, zesumme schaffen. D‘Ëffentlechkeetsaabrecht vun der Fuerschung soll des weideren och verbessert ginn, sou de Plang. De Bilan fir dësen Aktiounsplang ass iwwregens an dräi Joer virgesinn.

Ähnlech Sujeten Lëtzebuerg, Lëtzebuergesch
Nächsten Artikel Virrechten Artikel