Sichen

Dir kéint och nach folgende gefalen

Dinner-Konferenz am Zeeche vun de Rousen
Neiegkeeten

Dinner-Konferenz am Zeeche vun de Rousen

Den 11. Februar 2019 kann een ganz an d’Thematik vun

Vereedegung vum Préizerdauler Schäffe Marc Rehlinger
Neiegkeeten

Vereedegung vum Préizerdauler Schäffe Marc Rehlinger

Um Freideg, de 27. September 2019 ass de Marc Rehlinger

Trump: Sanktioune géint den Iran a Menace fir déi aner
Neiegkeeten

Trump: Sanktioune géint den Iran a Menace fir déi aner

Nodeems hien alles dru gesat huet d‘Sanktioune géint den Iran

Lëtzebuerg erhält den Energy Globe Award

Lëtzebuerg erhält den Energy Globe Award

Fir dat éischt ëffentlecht „Plus-Energie“ Gebai huet de Ministère fir nohalteg Entwécklung an Infrastrukturen, den Energy Globe Award 2017 gewonnen. Dat ass eng verdéngten Unerkennung fir d‘Ëmsetzung vum Plus-Energie-Gebai.

Dat Gebai ëm dat et hei geet, ass de Sëtz vun der Natur- a Forstverwaltung. E Gebai dat iwwert säi ganze Liewenszyklus betruecht, méi Energie wäert produzéiere wéi et es selwer verbraucht. E Gebai awer och, dat als Beispill soll genotzt ginn an eng Quell vun der Inspiratioun fir nei Bauprojete soll sinn.

Vergi gëtt de Präis weltwäit vun „Advantage Austria“, der Éisträicher Agence fir Internationaliséierung. Um 9. November hunn d‘Minister François Bausch a Carole Dieschbourg den „Energy Globe Award“ vun der Vertriederin vun „Advantage Austria“ zu Bréissel, Martina Madeo an dem éisträichesche Botschafter zu Lëtzebuerg, Gregor Schusterschitz, iwwerreecht kritt.

Wat et domatter op sech huet

Op der ganzer Welt entwéckele Mënsche Léisunge fir den Ëmweltproblemer – Knapp Ressourcen, Loft- a Waasserverschmotzung, de Klimawandel an d‘Ofhängegkeet vu fossille Brennstoffer – entgéint ze wierken. Vill vun dëse Léisunge sinn liicht verfügbar, mee ginn nawell gären „iwwersinn“.

Den Energy Globe gëtt dëse Léisungen eng Stëmm a presentéiert se engem grousse Publikum, fir se siichtbar ze maachen. Och sollen esou weider Leit ermontert ginn eng eegen innovativ Léisung ze entwéckelen an anere Mënschen zougänglech ze maachen.

An 178 Länner ginn all Joers Projeten aus der ganzer Welt agereecht. Vu klengen einfachen Initiativë bis hin zu groussen High-End Projeten agereecht. Déi national Gewënner ginn ënnert der Schiirmherrschaft vun der UNESCO an Zesummenaarbecht mat der UNEP all Joer um UN-Weltëmweltdag verëffentlecht.

Do gëtt dann och ëmmer eng grouss Sensibiliséierungscampagne fir „best practice“ Projete gestart, déi dozou bäidroen de Planéit ze retten. An déi national Gewënner hunn alleguerten eppes dat se verbënnt: Se hunn et verstanen, datt een d‘Ëmwelt net mat Wieder mee duerch Dote schützt. A jidderee kann hei matmaachen an eppes derzou bäidroen.

mam SIP

Foto: (v.l.n.r.) Martina Madeo, Conseillère op der éisträichescher Ambassade zu Bréissel; François Bausch, Infrastrukturminister; Carole Dieschbourg, Ëmweltministesch; Gregor Schusterschitz, éisträicheschen Ambassadeur zu Lëtzebuerg. © MDDI/SIP

Ähnlech Sujeten Carole Dieschbourg, Energy Globe Award, François Bausch, UNESCO
Nächsten Artikel Virrechten Artikel