Sichen

Dir kéint och nach folgende gefalen

What the Fakt: Internationalen „Gëff dengem Vëlo een Numm“ Dag
LOL Sport

What the Fakt: Internationalen „Gëff dengem Vëlo een Numm“ Dag

Nom kuriose Feierdag, wou een sengem Auto een Numm sollt

Krichsverbriechen am Jemen: déi saudesch Koalitioun verwërft den UN-Bericht
LOL Sport

Krichsverbriechen am Jemen: déi saudesch Koalitioun verwërft den UN-Bericht

Déi ënner saudeschem Commandement gefouert Koalitioun am jemenitesche Biergerkrich, huet

EXPO 4 KIDS zu Dikrech: De verwonschene Bësch
LOL Sport

EXPO 4 KIDS zu Dikrech: De verwonschene Bësch

Vum 8. September bis den 30. September erwaarden Iech 6 Kënschtler an der

laughing

Eng mat der Schëpp fir de nationale Stadion

Eng mat der Schëpp fir de nationale Stadion

E grousse Projet fir grouss Ambitiounen! Um Méindeg huet de Stater Schäfferot zesumme mam Sportminister Romain Schneider den éischte Spuedestéch fir de neien nationale Stadion gemaach. E Stadion deen entspriechend den Norme FIFA/UEFA (Kategorie 4) an IRB (International Rugby Board) gebaut gëtt.

Op engem Terrain tëscht der Cloche d‘Or a Kockelscheier ass et dann och kee klénge Stadion, deen hei opgeriicht gëtt. E soll 9.385 Zuschauer Plaz bidden, déi all iwwerdaacht sinn. Och un déi „wichteg“ Leit (VIP) ass am Projet geduecht ginn. Déi kréie gesënnert Raimlechkeeten ageriicht. Am Stadion gëtt et nieft de Stänn fir Gedrénks an Iessen och nach Businessclub mat enger Kichen.

Duerch an duerch moderniséiert

Fir d‘Medie sinn och separat Raimlechkeete virgesinn. Natierlech ginn d‘Vestiairen un déi haideg Ufuerderungen ugepasst a mat allem, wat gebraucht gëtt ausstafféiert. Déi meescht funktionell Raimlechkeete sinn an engem Gebai am Stadion ënnerbruecht. D‘Gebai mat dräi Etage gëtt zu der Säit vum Boulevard Kockelscheier gebaut. De Stadion selwer, a Form vun enger Raut, kritt eng Façade aus metalleschen Elementer, déi duerch eng variabel Beliichtung an Zeen gesat ka ginn.

D‘Käschte fir de Stadion ginn op eppes kléngs iwwert 60 Milliounen Euro estiméiert. D‘Subventioun vum Sportsministère läit bei 70%, ass awer plafonnéiert op 40 Milliounen Euro. De Parking vum Stadion, deen als multifunktionell Plaz geduecht ass, soll dann nach emol ronn 800.000 Euro kaschten. Wann alles wéi virgesi realiséiert ka ginn, soll de Stadion am Oktober 2019 kënnen ageweit ginn.

Foto: © Charles Soubry/Fotothéik VdL

Ähnlech Sujeten Fussball, Lëtzebuerg Stad, Rugby, Station
Nächsten Artikel Virrechten Artikel