Search

You may also like

Irak: Dräi Doudeger bei Attack op US-Basis
Neiegkeeten

Irak: Dräi Doudeger bei Attack op US-Basis

Bei engem Rakéitenugrëff op d‘US-Basis zu Tadschi (onwäit vu Bagdad)

Gewënnspill 2018: Eng Fläsch Gin gefälleg?
Neiegkeeten

Gewënnspill 2018: Eng Fläsch Gin gefälleg?

Maacht mat a gewannt mat e bësse Gléck eng Fläsch

“Within the Eye of the Storm”- een häerzzerräissende Film op der Theaterplaz
Neiegkeeten

“Within the Eye of the Storm”- een häerzzerräissende Film op der Theaterplaz

Hei geet et ëm d’Geschicht vun zwee Pappen: De palestinensesche

Eng Stad fir se alleguerten an de Mee a senge schéinste Faarwen

Eng Stad fir se alleguerten an de Mee a senge schéinste Faarwen

Ënnert dem Slogan „Une ville pour tous“ huet de Schäffen Patrick Goldschmidt (DP) am Kader vum City Breakfast, op d‘Sensibiliséierungswochen opmierksam gemaach, déi sech besonnesch un léit mat besonnesche Besoinen riicht. Dës Aktioun besteet schonn säit 5 Joer an erfreet sech grousser Zoustëmmung. Eng ausféierlech Broschüre begleet dës Aktioun a kann esouwuel op der Gemeng selwer, wéi op deene gewinnte Plazen ofgeholl ginn.

Dat ganzt ass den 2. Mee lassgaangen an et dierf och dorops higewise ginn dat ee Mount laang an der Galerie vum Groussen Theater eng Ausstellung mat Infostänn fir de gréissere Public ageriicht ass. Den offiziellen Deel start dëse Samschdeg mat enger Inclusiounsgala, woubäi hei berécksiichtegt muss ginn dat wuel den Entrée fräi ass, déi Interesséiert musse sech awer beim Service „Foire & Marchés“ umellen. Dat aus guddem Grond, et gëtt eppes z‘Iessen an ze Drénken.

De Sujet „Inclusioun“ ass dann och beim alljäerlechen ING Night Marathon en Thema. Wuel war et net méiglech de Léit mat engem Rollstull eng Undeelnam um eigentleche Circuit ze erméigleche, wat sech allerdéngs duerch d‘Topographie erkläert. Ee Problem, eng Léisung. Sou ass kuerzerhand entscheet ginn um Glacis ee Parcours mat enger Distanz vun 4.800 Meter anzeriichten. D‘Sportler déi sech hei wëlle bedeelegen, kënne sech op der selwechter Säit wéi d‘Leefer vum Marathon umellen. En nodréiglech Analyse soll dann doriwwer entscheeden op des Iddi weidergefouert gëtt oder net.

Fir „Handbikes“ ass et leider net méiglech deel ze huelen, well dës Sportsmaschinnen dem Vëlo gläich gestallt sinn. D‘Lydie Polfer well awer fir dës Sportler mat „Service des sports“ préiwen ob a wei sech en Event organiséiere léisst. Dat an Zesummenaarbecht mat der Equipe Handisport vum Luxembourg Paralympic Committee

Inclusioun ënnert eng aneren Gesiichtspunkt

Am Kader vun den Gemengewahlen am September erënnert de Patrick Goldschmidt och dorunner, datt „Inclusioun“ och bedeit de Bierger mat engem Migratiounshannergrond eng Bedeelegung un dëse Walen net nëmmen ze erméiglechen, méi se och ze invéiteren dorunner Deel zu huelen. Zum 1. Januar 2017 hate sech 4.263 ageschriwwen an trotz Reklamm an Informatioun iwwert all Parteien eraus waren et der op den 28. Abrëll nach ëmmer nëmmen 5.512.

Dat ass eng bedenklech Situatioun sou de Schäffen, well d‘Haaptstad zielt eegenen Informatioune no ronn 40.000 Persounen déi ee Recht hunn, wann se sech an d‘Wielerlëschten aschreiwe, un de Gemengewahlen deel ze huelen. Fir dës Persoune ass dann och extra den 13. Mee an den 1. Juli de Biergerzenter op.

Wat de Mee soss nach alles bereet hält

Do wieren nieft dem Oktavmäertchen deen vum 6. bis den 21.Mee um Knuedler statt fënnt och eng Visite guidée uechter d‘Parkanlagen vun der Stad an Zesummenaarbecht mat „natur & ëmwelt“, dat schonns dëse Samschdeg 6.Mee. D‘Saison vun „Konscht am Gronn“ start dann ee Sonndeg den 7. Mee an den 11. Mee féiert Lëtzebuerg den 150.Anniversaire vum Londoner Vertrag. Wéinst dem Oktavmäertchen schléit de Wochemaart seng Zelter op der Clairefontainesplaz op.

Next post Previous post