Sichen

Dir kéint och nach folgende gefalen

Rock the South 2018 – Newcomer si wëllkomm!
Neiegkeeten

Rock the South 2018 – Newcomer si wëllkomm!

Säit der éischter Editioun vum Rock the South am Joer

Brexit: Britesch Aarbechterpartei fuerdert en zweete Referendum
Neiegkeeten

Brexit: Britesch Aarbechterpartei fuerdert en zweete Referendum

No villem „hin an hier“ ass et e Méindeg am

E Plang fir d’Liewensqualitéit
Neiegkeeten

E Plang fir d’Liewensqualitéit

Lëtzebuerg huet ronn 82% vu senger Fiichtgebidder zanter 1960 verluer.

Erhéichte Risiko fir Bëschbränn duerch Hëtztwell!

Erhéichte Risiko fir Bëschbränn duerch Hëtztwell!

Duerch déi héich Temperaturen an d’Absence vu Reen besteet aktuell een erhéichte Risiko fir Bëschbränn. Déi laang Drécheperiod huet eis Bëscher nämlech immens brennbar gemaach. Och no kuerzen Nidderschléi wäert de Buedem wuel net fiicht genuch kënne ginn, datt dëse Risiko erofgeet.

Bei dëser Dréchent sollt ee momentan besonnesch Uecht an de Bëscher ginn. Déi meescht Bränn ginn nämlech duerch de Mënsch provozéiert. De Kampf géint ee Feier fänkt soumat bei der Virsiicht un: Vermeit dobausse Feier ze maachen (beispillsweis beim Grillen), geheit keng brennbar Géigestänn (beispillsweis Zigaretten), sou wéi Glas an d’Natur. Och eng Schierbel ka Feier ausléisen.

Stellt Ären Auto just op net-brennbaren, asphaltéierten oder stengege Plazen of. Esou kann een de Risiko verréngeren, datt beispillsweis duerch de Katalysator Flamen entstinn. Generell sollt een och d’Accèsen zu de Bëschweeër fräi halen, sou datt d’Pompjeeën am Fall vun engem Bëschbrand, direkt op d’Plaz komme kënnen.

Wie spadséiere geet, dee sollt sech verhalen, wéi ee schnellstméiglech aus dem Bësch erauskomme kéint. Halt Iech am Schiet op a flücht am Fall vun engem Feier esou séier wéi méiglech vun de Flamen.

Sollt Dir Damp oder souguer Feier gesinn, rufft direkt dem 112 un. Gitt dobäi esou prezis Informatioune wéi méiglech un, sou datt een d’Plaz vum Virfall gutt lokaliséiere kann. Donieft wier et wichteg folgend Beschreiwungen ze iwwermëttelen: present Persounen, Wunnhaiser an der Géigend, d’Richtung an Ausbreedung vum Feier, asw. Stellt Iech uschléissend op eng Plaz, wou d’Asazkräft Iech gutt gesinn, sou datt Dir si guidéiere kënnt. Bleift um Telefon, bis datt den Operateur vun der Zentral all néideg Informatiounen huet.

Opmaacherfoto: © CGDIS

Ähnlech Sujeten 112, Bëschbrand, CGDIS, Drécheperiod, Feier, Hëtztwell, Risiko
Nächsten Artikel Virrechten Artikel