Sichen

Dir kéint och nach folgende gefalen

Brexit: Britesch Deputéiert gënnen der Premierministesch eng Paus
Money Neiegkeeten

Brexit: Britesch Deputéiert gënnen der Premierministesch eng Paus

No laanger Zäit gëtt et fir déi britesch Premierministesch, Theresa

Ungarn: schwéiert Schëffsongléck op der Donau
Money Neiegkeeten

Ungarn: schwéiert Schëffsongléck op der Donau

Um spéide Mëttwochowend war et, direkt virum ungaresche Parlamentsgebai zu

Aacht Minister am Prisong, Haftbefehl géint de Puidgemont
Money Neiegkeeten

Aacht Minister am Prisong, Haftbefehl géint de Puidgemont

Wéi erwaart huet um Dënschdeg d’Untersuchungsriichterin, déi aacht Membere vun

money

Erhéijung vum soziale Mindestloun ëm 100€!

Erhéijung vum soziale Mindestloun ëm 100€!

De Lëtzebuerger Finanzminister Pierre Gramegna, sou wéi de Minister fir Aarbecht a Beschäftegung, Sozial- a Solidarwirtschaft, den Dan Kersch hunn gëschter d’Moossnamen zur Erhéijung vum soziale Mindestloun presentéiert.

De Koalitiounsaccord gesäit vir, datt de Salaire vun Empfänger vum soziale Mindestloun ëm 100 € an d’Luucht geet, an dat mat réckwierkendem Effekt vum 1. Januar 2019 un. Fir d’Realisatioun vum Ziel setzt de Gesetzesprojet N°7416, de vum Aarbechtsminister a Matwierkenden den 1. Mäerz 2019 an der Chamber virgestallt ginn ass, als éischt eng réckwierkend Erhéijung vun 0,9% vum 1. Januar 2019 fest. Dës 0,9% fügen sech an d’Erhéijung vun 1,10% am Gesetz vum 21. Dezember 2018 an.

Esou geet de soziale Mindestloun Brutto a réckwierkend op den 1. Januar 2019 ëm 41,21 € fir den onqualifizéierte Salaire an 49,45 € fir de qualifizéierte Salaire an d’Luucht. Fir op een Netto-Betrag vun 100 € ze kommen huet de Staat een neie Steierkredit (CISSM) agefouert.

Dëse CISSM ass just un Salariée geriicht, deenen hire Betrag vun der Paie no um soziale Mindestloun ass. De Kredit gëtt all Mound, zesumme mam Salaire iwwerwisen, woubäi och ob d’Steieren op der Fiche de Retenue d’Impôt opgepasst gëtt.

mindestloun

De Finanzminister Pierre Gramegna © MFIN

Fir datt all Persounen, déi liicht iwwert dem soziale Mindestloun verdéngen, heibäi net ausgeschloss gi kënnen si vun enger liicht méi gerénger Netto-Bezuelung profitéieren, wéi déijéineg mam aktuelle soziale Mindestloun. Esou soll den CISSM linear vu 70 op 0 € verréngert gi fir Leit, déi all Mount méi wéi 2.500 bis 3.000 € brutto verdéngen. Sollt de Salarié net a Vollzäit schaffen, esou gëtt den CISSM proportionell un d’Aarbechtsstonnen ugepasst.

De Finanzminister kommentéiert: „D’Erhéijung vun 100 € Netto vum soziale Mindestloun wäert spierbar d’Kafkraaft vun de concernéierte Persoune stäerken. Et dréit esou dozou bäi déi inlännesch Nofro ze stäerken an nei Recette fir de Staat ze schafen.“ Den Aarbechtsminister Dan Kersch ergänzt dës Thes folgendermoossen: „Ech freeë mech iwwert dës Moossnam, déi net just de sozialen Zesummenhalt an eiser Gesellschaft stäerkt, mee och eng Unerkennung vun der geleeschter alldeeglecher Aarbecht vun de Persounen, déi dovu profitéiere wäerte, bedeit.“

Opmaacherbild: (v.l.n.r.) Dan Kersch, Minister fir Aarbecht a Beschäftegung, Sozial- a Solidarwirtschaft; Pierre Gramegna, Finanzminister © MFIN

Ähnlech Sujeten 100 €, CISSM, Dan Kersch, Finanzminister, Pierre Gramegna, soziale Mindestloun
Nächsten Artikel Virrechten Artikel