Search

You may also like

Israel huet op e neits géint Rakéiten aus Gaza ripostéiert
Kultur Neiegkeeten

Israel huet op e neits géint Rakéiten aus Gaza ripostéiert

Déi israelesch Loftwaff huet zéng Objektiver vun der Hamas bombardéiert.

Griicheland: Nom déidleche Groussbrand, muss de Minister säin Hutt huelen
Kultur Neiegkeeten

Griicheland: Nom déidleche Groussbrand, muss de Minister säin Hutt huelen

Beoptraagt mat der ëffentlecher Uerdnung an dem Zivilschutz, huet den

surprise
Festlech bis libertär… wéi d‘Belsch de Confinement gesinn
Kultur Neiegkeeten

Festlech bis libertär… wéi d‘Belsch de Confinement gesinn

Et herrscht Covid19-Pandemie, an esou zimmlech all Land huet sech

Escape-Room doheem? Geet och!

Häerzlech wëllkomm am Grand Hotel!

Escape-Room doheem? Geet och!

Ech wollt schonn ëmmer an een Escape-Room, ma meng éischte Kéier war net esou ewéi ech mir dat virgestallt hunn. Et ass schonn e bëssen ironesch, dass mir d’Spill doheem wärend dem Confinement gespillt hunn – well dorausser gëtt et keen Entkommen. Witzegerweis huet dat éischt Rätsel mat der Këscht ugefaangen, ech Noss hat net gesinn, dass op all Säit e klengt Stéck Scotch ugepecht war.

Nodeems se endlech op war, huet d’Famill sech gemitterlech un den Dësch gesat, fir 90 Minutte ware mir elegant Gäscht (am Jogging) am Grand Hotel, ma d’Besëtzer hunn sech nawell verdächteg verhalen. Firwat? Hunn si eppes ze verstoppen? En däischtert Geheimnis? Wat ass an där ominéiser Hochzäitssuite? Bon, Zäit fir den Aperitif, d’Besëtzerin huet bestëmmt eng gutt Erklärung. Oder? Net!

Escape-Room

© Jessica Mersch/bichergeck

Mir goufe sedéiert a sinn am Wäikeller nees zou eis komm. All Enveloppe war en anert Zëmmer aus deem mer den Auswee hu misse fannen, wa mir net weider wosste konnte mer op en Hiweis zeréckgräifen. Ma et war net einfach, ech muss zouginn, dass mir net all Rätsel geléist kruten, mir hunn e bësse gefuddelt fir weiderzekommen. Soss wäre mir ni fäerdeg ginn! Mä mir haten eise Spaass an hunn gutt als Team zesummegeschafft. D’Geschicht ass spannend opgebaut, ech de Spillleeder koum an de Genoss se z’erzielen.

Escape-Room

© Jessica Mersch/bichergeck

Dat wat net ganz einfach, ech hunn d’Sätz wärend dem schwätzen an d’Lëtzebuergescht iwwersat. Ech gouf nervös a si gutt un d’Schweesse komm – fir mir ze hëllefen hunn ech eng Übung agebaut. All Enveloppe ass vun engem anere Spiller virgelies ginn – d’Hemmung virun engem aneren ze schwätzen ass fir jidderee manner ginn. Et war méi ofwiesslungsräich!

Elo wou ech weess, dass Rätsel léisen net zu menge Stäerke gehéiert, iwwerleeën ech mir d’Saach mam Escape-Room nach eemol.

De moses Verlag huet vill där Spiller, gitt mol luussen – villäicht ass och fir Iech eppes dobäi!

 

Related topics Confinement, Coronavirus, Escape-Room, Grand Hotel, moses Verlag, Spill, Wäikeller
Next post Previous post