Search

You may also like

Editorial: Vu Prüfungsdrock an Zukunftsangscht
Neiegkeeten

Editorial: Vu Prüfungsdrock an Zukunftsangscht

Mam Minister Claude Meisch sengem Video zur Begréissung am Kader

surprise
Editorial: D’Wahllëschten hu Lücken
Neiegkeeten

Editorial: D’Wahllëschten hu Lücken

Den 8. Oktober si Gemengewahlen. An dësem Zesummenhang huet den

ESC: Israel surft op der #MeToo Well a gewënnt de Concours
Neiegkeeten

ESC: Israel surft op der #MeToo Well a gewënnt de Concours

Israel huet gëschter Owend bei der Final zu Lissabon, fir

EU-Ausseminister gesinn sech op Malta

EU-Ausseminister gesinn sech op Malta

Um Freideg den 28.Abrëll hunn sech op Malta d’EU-Ausseminister getraff fir iwwert dat zukünftegt virgoen hisichtlech dem Brexit ze ënnerhalen. Deel geholl hunn all d’Ausseminister vun de verbliwwene 27 Memberlänner. De briteschen Ausseminister Boris Johnson wor net agelueden, sou dat de Fokus bei de Gespréicher sech op d’Bäitrëttsverhandlunge vun der Tierkei an d’EU geluecht ginn ass.

Kee Konsens awer vill Gebraddels

Zu Valetta hu bei engem informellen Treffen d’EU-Ausseminister sech iwwert d’Konsequenze vum tierkesche Verfassungsreferendum ausgelooss an doriwwer diskutéiert wéi eng Mesuren ze ergräife wieren. Erënnere mer eis dat am Virfeld den EU-Erweiderungskommissär Johannes Hahn kuerz nom Referendum ugekënnegt hat eng „grondleeënd Diskussioun iwwert d’EU-Tierkei Bezéiungen“ unzefänken, déi zu engem spéideren Zäitpunkt och zou enger méiglecher Neibewäertung kéint féieren.

Ee ganze Koup EU-Staaten haten sech jo dann och fir een eesäitegen Ofbroch, respektiv dem Aussetze vun de Bäitrëttsverhandlunge, agesat. Beim Treffen op Malta hunn sech dann och de Jean Asselborn an den Éisträicher Sebastian Kurz ganz kloer op en Enn vun 2005 ugefaangene Bäitrëttsverhandlunge festgeluecht. Eng Meenung déi net vun alle Membere gedeelt ginn ass, allen viraus den däitsche Sigmar Gabriel deen der Usicht ass dat esou ee Schrëtt an der momentaner Situatioun méi schuede wéi notze géif. „Déi däitsch Bundesregierung ass strikt dergéint, dat mer d’Gesrpéicher ofbriechen“ sot de Gabriel, „et hätt ee keen Interessi drun d’Tierkei a Richtung Russland ze drängen.

Et ass sécherlech richteg dat d’EU d’Kritiker vum tierkesche President Recep Tayyip Erdogan musse weiderhin ënnerstëtzt ginn, mee dem Sigmar Gabriel säi Virschlag just Visaerliichterunge fir Kënschtler, Intellektueller a Journalisten op de Wee ze bréngen, dierft zu Ankara keng Zoustëmmung fannen. Och geet ze bedenken dat déi berechtegt Kritik, säitens den Observateure vun OSZE an Europarot bezüglech dem Verfahren an dem Inhalt vum Referendum, beim däitschen Ausseminister net schéngt ukomm ze sinn.

De Sultan billt, d’EU-Karawann zitt weider

Ganz selbstbewosst dogéint den tierkesche President, dee sech der „Opreegung“ gewinnt kierperbetount entgéint stellt an op en neits der EU mat Konsequenzen dréit. Schonns am Virfeld huet hien d’EU gewarnt d’Resultat vum Referendum unzezweiwelen. „Mir kennen net eenegen Institutiounen a Staaten, dorënner am besonneschen d’europäesch Union, erlaben iwwert d’Resultater vun der Volleksofstëmmung vum 16.Abrëll d’Demokratie vun eisem Land a Fro ze stellen.“ sot den Erdogan um Virowend vum Ausseministertreffen op enger Veranstaltung unlässlech dem 55.Jubiläum vum tierkesche Verfassungsgeriicht.

Ze bedenken ass iwwregens och dat den tierkesche President wëlles huet ee weidere Referendum zur Aféierung vun der Doudesstrof ofzehalen an leschtegerweis och ee Referendum fir den Ofbroch vun de Bäitrëttsverhandlungen ugekënnegt huet. Wat an deem Kontext den tierkeschen Ausseminister Mevlüt Cavusoglu dann allerdéngs zu Malta verluer hat, bleift eis am wuertwiertleche Sënn „schleierhaft“.

Als Fazit bleift festzehalen dat alt nees en Treffe stattfonnt huet, wou keen eenzegt vun den ugesate Sujeten iergendeppes Vertrietbares ervir bruecht hätt, vun engem Konsens ganz ze schweigen. De Brexit ass dunn um Samschdeg zu Bréissel ënnert den Staatscheffen diskutéiert ginn.

Next post Previous post