Sichen

Dir kéint och nach folgende gefalen

Wou ass de béise Jong?
Kultur Neiegkeeten

Wou ass de béise Jong?

Zanter enger gewësser Zäit gëtt et nees vill Spekulatiounen iwwert

Nationalfeierdag a Katalounien: Honnertdausende fir d‘Onofhängegkeet
Kultur Neiegkeeten

Nationalfeierdag a Katalounien: Honnertdausende fir d‘Onofhängegkeet

Säit elo geschwë 40 Joer zelebréieren d‘Katalanen zu Barcelona um

Jemen: 150 Doudeger bannent 24 Stonnen
Kultur Neiegkeeten

Jemen: 150 Doudeger bannent 24 Stonnen

Déidlech Kämpf hunn e Méindeg den Toun an der Hafestad

De Label „EureWelcome“ fir 18 engagéiert Acteuren

De Label „EureWelcome“ fir 18 engagéiert Acteuren

Haut de Moien huet den Tourismusminister Lex Delles 18 Plaquettë vun „EureWelcome“ iwwerreecht, un Acteuren aus diverse Secteuren, déi duerch hir Barrièrëfräiheet iwwerzeege konnten an esou och Persoune mat reduzéierter Mobilitéit ee gutt Stéck hëllefen.

Fir genau ze sinn gëtt dëse Label un Etablissementer, Servicer an Evenementer verginn, déi alle Visiteuren d’Accessibilitéit garantéieren, an dat ënnert dem Konzept „Design pour tous“. Dës Strategie setzt d’Eliminatioun vu verschiddene Barrièrë viraus, wouduerch eventuell Leit mat reduzéierter Mobilitéit un der Participatioun gehënnert sinn oder net vun der Offer profitéiere kënnen.

Heibäi geet et net eleng ëm handicapéiert Persounen, mee och ëm eeler Leit, Visiteure mat Poussetten a vill méi. Infrastrukturen, déi dëse Label droen, mussen eng Rei Kritären erfëllen, wou virun allem eng gewësse Breet vun den Dieren, ausräichend Plaz fir handicapéiert Persounen oder och Barrièrëfräiheet an der Entrée garantéiert muss ginn.

Scho säit Joren setzt sech d’Tourismusdirektioun mam Informatiounszentrum Info-Handicap zesummen, fir esou Infrastrukturen ze belounen, déi fir wierklech jiddwereen zougänglech sinn. „De Konzept „Design pour tous“ an de Label „EureWelcome“ äntweren op de Wëlle fir touristesch Attraktioune plangen a realiséieren ze kënnen, sou wéi och aner Manifestatiounen a Servicer, déi enger grousser Diversitéit un Notzer Accès bidden, ouni si ze benodeelegen oder verschidde Gruppen auszegrenzen“, sou de Minister Lex Delles.

eurewelcome

An de Label geet un…

  • Folgend Acteure kruten de Label „EureWelcome“ vum Minister iwwerreecht:
  • Novotel Luxembourg Centre (Lëtzebuerg)
  • Novotel Luxembourg Kirchberg (Lëtzebuerg)
  • Novotel Suites Luxembourg (Lëtzebuerg)
  • Sofitel Luxembourg Le Grand-Ducal (Lëtzebuerg)
  • Berdorfer Eck (Berduerf)
  • Trail Inn – Berdorf (Berduerf)
  • Restaurant du Romantik Hôtel Bel-Air (Iechternach)
  • Schueberfouer 2018 (Lëtzebuerg)
  • Octave-Maertchen 2018 (Lëtzebuerg)
  • Restaurant St-Nicolas (Réimech)
  • Hôtel-Brasserie Beierhaascht (Kärjeng)
  • Camping Belle-Vue 2000 (Berduerf)
  • Hotel Carlton (Lëtzebuerg)
  • Cafétéria du plateau du Rham (Café, klengt Geschäft, Musée a Promenade zu Lëtzebuerg)
  • Camping Grevenmacher (Gréiwemaacher)
  • L’Ultimo Ristorante (Mamer)
  • Circuit historique «Des Thermes au Casino» (Mondorf-les-Bains)
  • Bierger a Kulturhaus (Mondorf-les-Bains)

Mëttlerweil droe schonn 160 Infrastrukturen, dorënner touristesch Attraktiounen, Manifestatiounen, Hotellen, Campingen, Restauranten a vill méi, de Label „EureWelcome“. All Site ass kontrolléiert ginn a besëtzt eng Fiche Technique, déi ënnert www.eurewelcome.lu ze fannen ass.

Opmaacherbild: © MECO

Ähnlech Sujeten Barrièrefräiheet, Desing pour Tous, EureWelcome, Handicap, Label, Lex Delles, Tourismus
Nächsten Artikel Virrechten Artikel