Sichen

Dir kéint och nach folgende gefalen

Chantier Pont Buchler: Déi nächst Phase um 25. Abrëll 2020
Neiegkeeten

Chantier Pont Buchler: Déi nächst Phase um 25. Abrëll 2020

D’Stad Lëtzebuerg an d’Stroossebauverwaltung informéieren doriwwer, datt um Samschdeg, de

Een treien Hond, dee säin doudege Meeschter net verloosse wëll
Neiegkeeten

Een treien Hond, dee säin doudege Meeschter net verloosse wëll

D’Geschicht erennert un déi vum Hatchiko, een Hond, deen och

Wéi gutt kenns du eis Bierger an Hiwwelen?
Neiegkeeten

Wéi gutt kenns du eis Bierger an Hiwwelen?

Lëtzebuerg ass elo sécherlech net fir séng Bierger bekannt. An

Euro-Composites zu Iechternach: Eng Hal vun 2000 m² a Flamen

Euro-Composites zu Iechternach: Eng Hal vun 2000 m² a Flamen

Gëschter Mëtteg um 12:30 Auer ass beim 112 een Appell eragaangen, datt et um Industriesite vun Euro-Composites zu Iechternach brenne géif. Déi éischt Unitéiten op der Plaz waren d’Pompjeeë vun der Societéit selwer an de CIS Iechternach. D’Ekipp gouf konfrontéiert mat engem Feier an engem Stock vun 2000 m².

Nodeems een d’Persounen um Site vun Euro-Composites evakuéiert hat, huet sech staarken Damp entwéckelt. Dofir huet de CGDIS der Populatioun an der Ëmgéigend geroden d’Dieren an d’Fënstere bis zur definitiver Läschung zouzeloossen. Och déi däitsch Autoritéiten si schnell informéiert ginn.

Euro-Composites

Géint 15:30 Auer soll d’Feier ënnert Kontroll gewiescht sinn. D’Pompjeeë sinn weiderhin op der Plaz fir d’Situatioun am Aen ze behalen a schnell anzegräife, falls sech nees Feier entwéckele sollt.

Euro-Composites

Am Endeffekt ware méi wéi 100 professionell a fräiwëlleg Asazkräft vun 10 CIS’en op der Plaz. Si hu sech nieft dem Läsche vum Feier och dorëm gekëmmert, datt sech d’Flamen net op aner Gebaier ausbreeden. Folgende 4 Spezialberäicher sinn ageriicht ginn:

  • De spezialiséierten Interventiounsgrupp NRBC, fir d’Analyse vum Damp an dem Läschwaasser
  • Eng speziell Dron, fir een Iwwerbléck zur Situatioun ze kréien
  • Sanitär Ënnerstëtzung, fir d’Personal ze encadréieren
  • Verfleegung, fir sech ëm d’Persounen am Asaz ze këmmeren

Euro-Composites

De CGDIS schafft am Moment enk mat der Waasserverwaltung, den däitschen Autoritéiten a Pompjeeën zesummen, fir datt de Schuet un der Ëmwelt duerch d’Läschwaasser an der Sauer esou geréng wéi méiglech bleift.

Zur Ëmwelt- a Waasserverschmotzung

Wéi den Ëmweltministère matgedeelt huet, ass et duerch d’Läschwaasser zur Verschmotzung vun der Sauer komm sinn. D’Mousse, déi fir ze läsche genotzt gëtt, besteet aus Léisungsmëttel, polyfluoren Substanzen an phenoleschen Haarzer. Dës Stoffer sinn bei den Aarbechten an d’Waasser gelaf an hunn soumat Ausiwerkungen op d’Ëmwelt.

 

An der Géigend vu Steinheim hunn déi däitsch Autoritéite schwammend Spären installéiert, fir esou d’Mousse an d’Léisungsmëttel op der Waasseruewerfläch ewech ze kréien. An dësem Kader gi reegelméisseg Prouwe vum Waasser gemaach, fir esou d’Ausmooss vun der Pollutioun am Aen ze behalen.

Euro-Composites

© AGE

Opmaacherfoto: © CGDIS

Ähnlech Sujeten CGDIS, Dronen, Euro-Composites, Feier, Flamen, Iechternach
Nächsten Artikel Virrechten Artikel