Sichen

Dir kéint och nach folgende gefalen

tonguelove
Texas: Ouni Solidaritéit keen Neiufank
International Money Neiegkeeten

Texas: Ouni Solidaritéit keen Neiufank

Op de Verkéierskniet déi d’Häerz vun Houston ëmschléngen ass nees

cool
Maach eppes fir deng politesch Bildung a probéier eisen Chamberquiz!
International Money Neiegkeeten

Maach eppes fir deng politesch Bildung a probéier eisen Chamberquiz!

Wéi der all wësst, sinn dëst Joer am Oktober Chamberwahlen.

Asteroid TC4: Knapp derlaanscht ass och dernieft
International Money Neiegkeeten

Asteroid TC4: Knapp derlaanscht ass och dernieft

Um haidegen Donneschdeg 7.41 Auer, ass den Asteroid TC4 a

money

Déi europäesch Zentralbank stellt sech op en Handelskrich an

Déi europäesch Zentralbank stellt sech op en Handelskrich an

Während op alle Mäert d‘Suerge vun engem vum Trump provozéierten Handelskrich ëmginn, gëtt sech déi europäesch Zentralbank (EZB) op dësem Donneschdeg e Sursis, iert se hir massiv Ënnerstëtzung fir d‘Wirtschaft zréckfiert.

Dat hänkt domatter zesummen, datt sech d‘EU e Mëttwoch bereet gesot huet, der Bedreeung duerch dem Trump seng Douanestaxen op Stol, Aluminium an Autoen ze erhiewen, eppes entgéint ze setzen. Mee d‘EZB dierft net iwwert déi verbal Interventioun vun hirem President Mario Draghi erausgoen.

De fréiere Vizepresident vu Goldman Sachs, deem seng „Geldpolitik“ de Status Quo erreecht huet, wäert haut wuel op e neits de Protektionismus a Fro stellen. E Protektionismus, deen héich Risike fir de globale Wuesstem bedeit. Eng Ausso also déi net besonnesch vu senger Ried aus deem August 2017 dierft ofwäichen, déi de Mario Draghi beim Seminär vun der „Federal Reserve“ zu Jackson Hole gehalen hat.

Mee dat alles kann net duergoe, fir nees Rou op d‘Finanzmäert ze bréngen. Op der ganzer Welt sinn d‘Bourse réckleefeg an den Dollar schwächelt géintiwwer dem Euro. Den Donald Trump dréit weider an d‘Kënnegung vu sengem Wirtschaftsberoder Gary Cohn, huet och net wierklech zum Optimismus bäigedroen.

Onbetount Inflatioun

„Dës Demissioun ass en Zeechen datt éischt amerikanesch Strofmoossname kéinten nokommen. De Welthandel wäert sech mussen engem protektionisteschen Ulaf upassen“, esou d‘Aschätzung vum Joachim Schallmayer, Ekonomist vun der DekaBank zu Frankfurt.

Schonn am Januar hat den éischte Wiechter vum Euro op déi onséileg Deklaratioun vun der US-Administratioun zum Virdeel vum schwaachen US-Dollar misse reagéieren. Mais d‘Opreegung vum italienesche Bänker huet net verhënnert, datt den Euro op 1,25 USD geklommen ass. Säin héchsten Niveau zanter Dezember 2014.

An de staarken Euro ass fir d‘EZB ee grousse Problem, well dat en direkten Afloss op d‘Inflatioun huet. Déi ass dann awer nees d‘Haaptzil vun der EZB.

D‘EZB huet sech an de leschte Méint ganz optimistesch gewisen, wat de Wuesstem an der Eurozon ubelaangt. D‘Hypothees vun engem Handelskrich tëscht Washington a senge Wirtschaftspartner, kéint d‘Kaarten nei vermëschen. Et géif esouguer Afloss op déi ganz expansionistesch Geldpolitik vun der EZB huelen.

D‘Evolutioun vun de Präisser läit am Februar an der Eurozon bei 1,2%. Dat entsprécht zwar dem Joresrhythmus, mee ass ganz wäit ewech vun den 2%, déi de Mario Draghi a seng EZB sech virgeholl haten.

Dat bedeit dann, datt de Leetzëns haut op sengem déifsten Niveau gehale gëtt. Mee och, datt de Programm vum massiven Zréckkaf (genannt QE) bis September, mat engem säit Januar bis zu 50% reduzéierte Rhythmus (30 Milliarden Euro am Mount) bäibehale gëtt.

Wouhinner et féiert

Déi grouss Fro: Wéini zéien d‘Institutioun vu Frankfurt de Rimm géintiwwer enger nach ëmmer gutt opgestallte Konjunktur an der Eurozon bäi ? D‘Inflatioun dierft 2018 fir d‘EZB nach ëmmer ze schwaach ausfalen. Och 2019 steet net an engem gudde Liicht, dat trotz engem Opschwong och bei de Paien, well Produktiounscapacitéiten net voll genotzt ginn.

Mee dat verhënnert net, datt d‘EZB fréier oder spéider genéidegt ass de Kalenner virzeleeën, mat deem d‘Mesure vu senger Geldpolitik iwwerschafft musse ginn. Fir unzefänken d‘ewechfale vum QE an duerno eng Erhéijung vum Leetzëns. Leider ass e sech bei der Institutioun net eens iwwert d‘Vitesse.

D‘Majoritéit am Rot vun de Gouverneuren ass fir eng Weiderféierung vun der Ënnerstëtzung fir d‘Wirtschaft. An déi dierft sech dësen Donneschdeg nees géintiwwer deene Stëmmen duerchsetzen, déi sech fir eng méi haart Approche asetzen.

Sollt géint all Erwaardungen d‘EZB haut e „Signal“ setzen, da wier dat nëmme méiglech, an deem si drop verzicht, den Akaf vun Aktiva „bezunn op Gréisst an Zäitraum“ ze erhéijen. Dat zumindest d‘Meenung vum Frederik Ducrozet, Ekonomist bei Pictet Asset Management.

Et géif allerdéngs och bedeiten, datt sech d‘EZB selwer géif beschneiden. An am Fall vum engem wirtschaftleche Knuppert, net méi an de Lag wier op de QE zréckzegräifen.

mam Jean-Philippe Lacour/AFP

Ähnlech Sujeten Donald Trump, EZB, Handelskrich, Mario Draghi, USA
Nächsten Artikel Virrechten Artikel