Sichen

Dir kéint och nach folgende gefalen

Ladies Tattoo Convention 2018 – well Konscht net ëmmer un der Mauer hänke muss!
Angry International Neiegkeeten

Ladies Tattoo Convention 2018 – well Konscht net ëmmer un der Mauer hänke muss!

Um Weekend vum 6. a 7. Oktober hunn déi weiblech

Wäisswampech soll mat Hëllef vu 50 Milliounen Euro zu engem touristesche Magnéit fir d’Grenzgebitt ginn
Angry International Neiegkeeten

Wäisswampech soll mat Hëllef vu 50 Milliounen Euro zu engem touristesche Magnéit fir d’Grenzgebitt ginn

Den Tourismus ass ee vun de Secteuren, déi an Zukunft

money
Washington bereet sech op d’Aféierung vun den Douanestaxe vir
Angry International Neiegkeeten

Washington bereet sech op d’Aféierung vun den Douanestaxe vir

Laut dem Wall Street Journal, géif sech d’US-Administratioun drop virbereeden

angry

Facebook ergräift nei Mesure vir Manipulatiounen ze verhënneren

Facebook ergräift nei Mesure vir Manipulatiounen ze verhënneren

De Grupp Facebook huet um Freideg eng ganz Rëtsch Mesuren ugekënnegt, mat deenen d’Reklammen, besonnesch déi politesch, besser soll kontrolléiert ginn. Mesuren déi och fir verschidde „Säiten“ ugewannt solle ginn, déi iwwert d’Mooss besicht ginn.

„Vun elo un, muss all Annonceur, deen eng politesch Reklamm wëll placéieren, oder e „wichtege“ Sujet uschwätzt, iwwerpréift ginn. Fir iwwerpréift ze ginn, mussen den Annonceur seng Identitéit a seng (richteg) Adress bestätegen“, schreift de Mark Zuckerberg op senger Facebooksäit. Hie gëtt beschëllegt net genuch ze ënnerhuele fir géint déi politesch Manipulatioun ze verhënneren.

A Facebook huet reagéiert. Et gëtt vill kommunizéiert, zum Ëmgang mat politescher Reklamm, mee och iwwert d’Gestioun vun de perséinlechen Daten. Dat nodeems Facebook d’Donnéeë vu 87 Millioune Clienten un déi britesch Firma Cambridge Analytica „weidergeleet“ huet. De Patron vu Facebook dierf sech an dësem Zesummenhang, déi nächst Woch virum US-Kongress erklären.

Et sollt ee wësse mat wien een et ze dinn huet

Dem Zuckerberg seng Equipe soll un enger Lëscht vu Sujete schaffen, déi dëser Definitioun entspriechen. Wat d’Annonceure betrëfft, esou sollen déi, wou sech der Prozedur net wëllen ënnerwerfen, hir Messagen och net méi diffuséiere kënnen.

Mee Facebook hat schonn am Oktober 2017 ugekënnegt „wëlles ze hunn“ d’Annonceuren, déi eng Wal-Annonce schalten, ze identifizéieren. Dovunner betraff sollte sinn, all d’Message déi ee Kandidat direkt benennen, an kuerz virun enger Wal verëffentlecht ginn.

Elo wëll Facebook nach e Schratt méi wäit goen, an d’Iwwerpréiwung op all Annonceur uwennen, deem seng Message wichteg politesch Theme behandelen, déi an der Gesellschaft den Debat maachen. Esou zumindest d’Prezisioun an engem Blog-Beitrag dee gläichfalls e Freideg verëffentlecht ginn ass. Et wëll een esou d’Beaflossung op Wahle verhënneren.

Mee net nëmmen den Annonceure soll op den Zant gefillt ginn. Déi selwecht Prozedur soll och bei deene Persounen ugewannt ginn, déi eng grouss Zuel „Abonnenten“ hunn. Dat fir d’Notzung vun „Fake-Accounts“ ze verhënneren, oder zumindest anzegrenzen, déi zur politescher Manipulatioun kënnen agesat ginn.

mat AFP

Foto: Manifestante vum Grupp „Raging Grannies“ hale bei enger Demo Plakter héich, mat deenen si Facebook opfuerderen de „Notzer“ méi Datesécherheet ze garantéieren. © Justin Sullivan/Getty Images/AFP

Ähnlech Sujeten Cambridge Analytica, Dateschutz, Facebook, Mark Zuckerberg
Nächsten Artikel Virrechten Artikel