Search

You may also like

Stellt de GDPR d‘Presseaarbecht zu Lëtzebuerg a Fro?
Meenung Neiegkeeten

Stellt de GDPR d‘Presseaarbecht zu Lëtzebuerg a Fro?

Ab dem 25. Mee trëtt de GDPR (General Data Protection

Mat engem neien Naturschutzgesetz wëll een och dem Mënsch hëllefen
Meenung Neiegkeeten

Mat engem neien Naturschutzgesetz wëll een och dem Mënsch hëllefen

Den Naturschutz wier och zugläich Mënscheschutz. Dëst ginn den Henri

Mauer-Prototyppe fir US-Mexikanesch Grenz virgestallt
Meenung Neiegkeeten

Mauer-Prototyppe fir US-Mexikanesch Grenz virgestallt

Ganzer aacht Prototyppe fir déi „gigantesch“ Mauer tëscht den USA

Fage: Enn vun enger onméiglecher Geschicht

Fage: Enn vun enger onméiglecher Geschicht

Den onsënnege Projet vun enger Jughurtsfabrick zu Beetebuerg ass definitiv vum Dësch. Et ass och schonn e Compromis ënnerschriwwe fir datt den Terrain nees an d’Hänn vum Lëtzebuerger Staat zeréckgeet, fir dee Präis, deen och Fage dem Staat bezuelt hat. Dat war haut an der Chamber d’mëndlech Äntwert vum Wirtschaftsminister op zwou dréngend parlamentaresch Froe vun ADR an CSV zu deem Thema.

D’ADR war vun Ufank u géint de Projet Fage zu Beetebuerg. Dës Jughurtsfabrick mat hirem enorme Waasserverbrauch, der grousser Gefor fir d’Ëmwelt a besonnesch der Belaaschtung vun der Uelzecht an deem ze erwaardenden héije Camionsverkéier an enger Géigend wou scho vill Staue sinn, war als Projet einfach net zäitgeméiss. Fage ass domat d’Beispill, wéi Wuesstem net soll sinn: Manner nohalteg kann een net plangen.

Wat d‘Prozedur méi laang gedauert huet, wat och méi Onreegelméissegkeeten op den Dësch komm sinn. Dat goung vun engem verfréiten Terrainsverkaf un déi griichesch Firma, iwwer steierlech Montage mat fiktive Consultante bis zu Kanalisatiounsaarbechten, déi zu Laaschte vum Staat gaange wären, obwuel si de Kader vu renger Viabilisatioun gesprengt hätten. Wärend der Prozedur huet d‘ADR dës Ongereimtheeten a puer mol ugeschwat an d‘Regierung virun hir Verantwortung gestallt.

D‘ADR ass frou, datt deen onsënnege Projet vum Dësch ass an datt all Leit, déi sech dergéint ausgeschwat hunn, Recht kréien. D‘ADR erënnert awer och un dat falscht Spill vun deene Gréngen, déi der Firma op nationalem Plang d‘Geneemegungen am Ëmweltministère ausstellen an op lokalem Plang an der Gemeng Beetebuerg géint de Bau protestéieren, grad wéi d‘DP. An och den Diddelenger Buergermeeschter, dee sech fir de Projet ausgeschwat huet, huet heimat jo Onrecht kritt.

Matgedeelt vun der ADR – D‘Meenung vun de Parteie sinn hir eegen

Illustratioun: © Markus Spiske / unsplash

Related topics adr, Fage International S.A., Fränz Fayot, Industriezon Wolser, Jughurtsfabrick, Oppositioun, Wirtschaftsministère
Next post Previous post