Sichen

Dir kéint och nach folgende gefalen

De renovéierten INL: endlech ass et offiziell!
International Kultur Neiegkeeten Stories

De renovéierten INL: endlech ass et offiziell!

Mat vill Gedauschs ass e Freideg de renovéierten INL (Lëtzebuerger

Editorial: Brexit „the english lesson“
International Kultur Neiegkeeten Stories

Editorial: Brexit „the english lesson“

Eigentlech sollten d‘Briten Enn Mäerz goen, dunn den 12. Abrëll

Totenhopfen: Laut der Etikett en „Lux Ale Original“ – Ass datt eppes Gutts?
International Kultur Neiegkeeten Stories

Totenhopfen: Laut der Etikett en „Lux Ale Original“ – Ass datt eppes Gutts?

Wann ee berécksiichtegt, datt e „Craft Beer“, also een op

What the Fakt – De Pad vun den Tréinen

What the Fakt – De Pad vun den Tréinen

Wat hei esou poetesch klengt, beschreift d’Verdreiwung vun den Indianer aus hirer amerikanescher Heemescht . Duerch dem President Andrew Jackson seng Verträg hunn d’Urawunner de Pad vun den Tréine goe missen, fir de Wäissen Plaz ze maachen.

Ab dem 19 Joerhonnert sinn ëmmer méi europäesch Siidler a Richtung Amerika gezunn an dofir hu natierlech enorm vill Plaz an Usproch geholl. Lues a Lues huet sech d’Land vun Osten no Weste mat Europäer gefëllt, wat zemools tëscht 1790 an 1840 zum grousse Problem ginn ass. D’Zuel un wäissen Amerikaner ass vun 3,9 op 17 Millioune geklommen.

Zu dësem Zäitpunkt – fir genau ze sinn am Joer 1830 – ass den Indian Removal Act beschloss ginn. Dëst Gesetz huet festgeluecht, datt d’Indianer ëstlech vum Mississippi ausgewise ginn, an dat méiglechst schnell. Virun allem waren et Stämm wei d’Chicsaws, d’Chicasaws, d’Creeks, d’Cherokees an d’Seminolen, déi vun dëser „Entfernung“ betraff waren.

Vir hire Plang ëmzesetze kruten d’Indianer erkläert, datt si kee schlechten Tausch maache géifen, wa si hir Heemecht fir eng aner Plaz verloossen. A Realitéit war et awer esou, datt si hiert wäertvollt Land opginn a verkaaft hunn an am Géigenzuch vill méi schlecht Gebidder zougewise kritt hunn. Hautdesdaags läit dës Fläch am amerikanesche Bundesstaat Oklahoma.

Pad vun den Tréinen

D’Haaptweeër a Richtung Westen

De schmäerzhafte Wee an d’Indianerreservat

Egal op fräiwëlleg oder och fräiwëlleg gezwongen hunn déi verschidde Stämm sech op déi laang Rees a Richtung Weste misse maachen. Déi zuelräich Weeër ware meeschtens iwwer 1000 Meile wäit zu Fouss ze meeschteren, wat net fir jiddwereen heel ausgaangen ass. All véierten Indianer ass op der erzwongener Rees gestuerwen. Grënn dofir waren Erschöpfung, Krankheet oder Mangel un Iessen a Gedrénks. Tëscht 4.000 an 10.000 Persounen hunn et net bis un d’Zil gepackt.

A wëll si hir Kultur, hir Traditioun a virun allem hiert Doheem hu missen opginn, fir de wäisse Siidler Plaz ze maachen, gëtt dës Ëmsiidlung och „Pad vun den Tréinen“ genannt. An hirer neier Heemecht, dem Indianerreservat, waren „déi Nei“ oft ofhängeg vun „de Wäissen“, déi oft just dat Néidegst fir d’Iwwerliewen un d’Indianer ofginn hunn. Och haut nach liewe vill Urawunner vun Amerika an dëse Reservater.

Ähnlech Sujeten Amerika, Ëmsiidlung, Indianerreservat, Pad vun den Tréinen, What the Fakt
Nächsten Artikel Virrechten Artikel