Search

You may also like

GEWËNNSPILL 2019: Halloween Night am Ciné Scala!
Neiegkeeten

GEWËNNSPILL 2019: Halloween Night am Ciné Scala!

Iech sollen d’Schudderen ausgoen, d’Hoer zu Bierg stoen an d’Zänn

Coronavirus: Éischte Stierffall zu Lëtzebuerg
Neiegkeeten

Coronavirus: Éischte Stierffall zu Lëtzebuerg

Et ka sécherlech keen Trouscht fir kee sinn, datt am

E grousse Merci geet un all Benevollen!
Neiegkeeten

E grousse Merci geet un all Benevollen!

E Samschdeg huet weltwäit den Internationalen Dag vum Benevolat stattfonnt.

Falsch Récksiicht huelen – Wéi sexuelle Mëssbrauch Liewen zerstéiert

Falsch Récksiicht huelen – Wéi sexuelle Mëssbrauch Liewen zerstéiert

Sexuelle Mëssbrauch ass leider nach ëmmer e grousst Tabuthema. Déi meeschten Affer schummen sech ze vill – oder si fillen sech net eescht geholl. Och ech géing gäre méi iwwer meng Vergaangenheet schwätzen, ertappe mech awer dacks bei engem Gedanken: Ech kann dat net maachen. Aus Respekt virun der Famill. D’Famill vum Täter. Ech wëll Récksiicht op si huelen.

Dat ass villäicht richteg, ma et ass gläichzäiteg och falsch. Ech sinn dat schwaarzt Schof, ob ech schwätzen oder net. A wéinst deem falsche Respekt der Famill géigeniwwer ass d’Donkelziffer fir sexuelle Mëssbrauch esou héich.

Déi meescht Iwwergrëffer geschéien am enkste Familljekrees. Et ass dacks den eegene Papp, de Monni, de Cousin oder de Brudder. A wien zerstéiert d’Famill scho gären a schwätzt dann ëffentlech driwwer … Tatsaach ass, dass ënnert den Doten net nëmmen d’Affer leit. Jiddwereen ass dovunner betraff.

Dobäi kënnt dacks d’Angscht, dass engem net gegleeft gëtt. D’Affer mussen nach méi matmaachen, si gi vun der Famill moralesch fäerdeg gemaach. Se kréien hiert lescht Stéck Mënschlechkeet ofgeholl. Déi Erniddregunge sinn onnéideg.

Ech versti firwat et dann méi einfach ass de Bak ze halen. Leider. Ma dat ass net de richtege Wee, en ass just „méi kamoud“. Zemools fir déi Leit, déi esou Geschichten ënnert den Teppech kiere wëllen.

Mir musse méi oppe ginn – an nolauschteren. Och wann et wéi deet an eng Welt zerstéiert. Am Joer 2020 däerf dëst Thema net méi tabu sinn. Et verschwënnt net, wa mir eis Erliefnisser fir eis behalen. Grad dofir wëll ech mam gudde Beispill virgoen.

T’ass nämlech net selbstverständlech, dass sech mäi Liewen därmoossen zum Positive verännert huet. Ech wëll betraffene Fraen (an och de Männer oder Kanner) domat Mutt maachen, et ass wichteg sech net eleng ze fillen. Mir sinn alleguerte staark. Zesummen nach vill méi.

Opmaacherbild © Philipp Wuthrich / Unsplash

Related topics Courage, Erliefnis, falsch Récksiicht, Famill, Leet, Net eleng, Psychologesch Hëllef, Respekt, Sexuelle Mëssbrauch, Tabuthema
Next post Previous post