Festival atlântico: Lusophon Diversitéit an der Philharmonie

De Festival atlântico feiert nees d’Musek vun de lusophone Länner a léisst déi portugiseschsproocheg Kultur mat der Lëtzebuerger Gemeinschaft verschmëlzen. Iwwert eng ganz Woch bitt dëst symbolescht Evenement nees eng grouss Diversitéit u markante Kläng, hybride Rhythmen a poeteschen Texter.

Mëttlerweil ass et schonns déi 4. Editioun vum Festival atlântico, woubäi d’Musek aus Portugal besonnesch am Fokus steet an déi musikalesch Villfalt vum Süden zum Liichte bréngt. Kënschtler aus Brasilien, Portugal, Angola a Mosambik kommen an der Philharmonie zesummen a vereenent Sprooche, Traditiounen, sou wéi natierlech och hir facetteräich Musek.

Esou presentéiert de Festival ënnert anerem de passionéierte Jazz-Trio vum Kontrabassist Carlos Bica, sou wéidéi zäitlos Lidder voller Poesie vum Sergio Godinho. Voller Virfreed erwaart een dann och d’Fado-Sängerin Ana Moura a Bongas, eng liewend Legend an Identifikatiounsfigur aus Angola, déi scho virun 134 Joer bei eis zu Besuch war.

Als Optakt vum Festival atlântico leet den Ensemble Sete Lágrimas d’Kanner mat „La princesse mystérieuse“ an eng märchenhaft Welt. Um haitegen Donneschdeg wäert als Pre-Opening am Centre Culturel Portugais eeng éischte Concert vum Gittarsduo Mano a Mano ugebuede ginn.

De Programm

• Mano a Mano, den 19. September um 19:30 Auer
  am Centre Culturel Portugais – Camões

©David Cachopo

• Lunch Concert: Lúcia de Carvalho, den 24. September um 12:30 Auer
  am Musekssall vun der Chamber

© Lugdivine Unfer

• Selma Uamusse „Mati“, de 25. September um 19:00 Auer
  am Musekssall vun der Chamber

• Carlos Bica & AZUL mam Frank Möbus & Jim Black, de 26. September um 20:00 Auer
  am Musekssall vun der Chamber

© Vera Marmelo

• Bonga, de 27. September um 20:00 Auer
  am groussen Auditoire

© N’Krumah Lawson-Daku

• Noiserv „Almost Visible Orchestra“, de 27. September um 22:00 Auer
  Espace découverte

• Konferenz vum Rui Vieira Nery: „De portugisesche Fado: Seng Wuerzelen, Wee, Geschicht, zäitgenëssescht Opstriewen“, den 28. September um 18:00 Auer
  am Musekssall vun der Chamber
• Ana Moura, den 28. September um 20:00 Auer
  am groussen Auditoire

© Frederico Martins

• Sérgio Godinho mam Filipe Raposo, den 29. September um 19:00 Auer
  am Musekssall vun der Chamber

© Rita Carmo

• „La princesse mystérieuse“, den 21. an 22. September um 11:00, 15:00 a 17:00 Auer
  Espace découverte

Zil vum Festival atlântico ass et, de Räichtum vun der Kultur ze presentéieren an dem lusophone Publikum d’Dieren opzemaachen. Just duerch esou kulturell Erfarunge kënnen zwou Gesellschafte méi no bruecht ginn.