Festival vu Cannes 2019: Och Lëtzebuerg ass mat dobäi!

De Grand-Duché ka sech freeën! Dëst Joer ass Rout-Wäiss-Blo nämlech direkt mat dräi Filmer jeeweils beim renomméierte Festival vu Cannes a vun Annecy mat present.

Déi international Filmfestspiller vu Cannes, déi dëst Joer vum 14. bis de 25. Mee organiséiert ginn, zielen zu de weltwäit bedeitendste Filmfestivallen a gi säit 1946 all Joer am Mee organiséiert. Lëtzebuerg steet mat folgende Filmer op der Lëscht vun den Nominéierten:

• Chambre 212 – ee Spillfilm vum Christophe Honoré, eng Koproduktioun mat Bidibul Productions mat Frankräich an der Belsch

Chambre 212 © Les Films Pélléas – Bidibul Productions – Scope Pictures

• Les Hirondelles de Kaboul – een Animatiounsfilm vum Zabou Breitmann an Eléa Gobbé-Mévellec, eng Koproduktioun mat Melusine Productions mat Frankräich an der Schwäiz

Les hirondelles de Kaboul © Melusine Productions

• Viendra le feu – ee Spillfilm vum Olivier Laxe, eng Koproduktioun vun Tarantula Luxembourg mat Spuenien a Frankräich. Dëse Film gëtt ënnerstëtzt vum Film Fund am Kader vun der Hëllef Cineworld

Viendra le feu © Tarantula Luxembourg

Och beim internationale Festival zu Annecy, deen dëst Joer vum 10. bis de 15 Juni organiséiert gëtt, sinn 3 lëtzebuergesch Filmer an der Auswiel:

• Zero Impunity (Kategorie „Contrechamp“) – een Documentaire vum Nicolas Blies, Stéphane Huber-Blies an Denis Lambert, eng Produktioun vun a_Bahn a Melusine Productions mat Frankräich

Zero Impunity © a_Bahn – Melusine Productions

• Fox & Hare (Kategorie „Fernsehfilmer“) – eng Serie vum Mascha Halberstad an Tom van Gestel, eng Koproduktioun vun Doghouse Films mat der Belsch an Holland

Fox & Hare © Doghouse Films

• The Prince’s Voyage (Kategorie „Seance Evenement“) – ee Spillfilm vum Jean-François Laguionie a Xavier Picard, eng Koproduktioun vu Melusine Productions mat Frankräich

The Prince’s Voyage © Melusine Productions