Search

You may also like

Editorial: Näischt aus der Vergaangenheet geléiert
Uncategorized

Editorial: Näischt aus der Vergaangenheet geléiert

Während sech Amerika vun den Iwwerschwemmungen déi den Orkan Harvey

De 45. US-President beweist Charakterstäerkt
Uncategorized

De 45. US-President beweist Charakterstäerkt

Nach huet den Donald Trump säi Mandat als President vun

Canberra wëll wësse, wéi eng Chômeuren Drogen huelen
Uncategorized

Canberra wëll wësse, wéi eng Chômeuren Drogen huelen

D‘Regierung vun Australien huet dësen Donneschdeg matgedeelt bei de Chômeuren

Filzausstellung WAASSER: Alles an d’Duchfabrik!

Filzausstellung WAASSER: Alles an d’Duchfabrik!

Waasser spigelt Himmelblo a Blatgréng erëm, erfreet eis mat Geplätschter an der Baach oder och Mieresrauschen. Verwandelt d’Sonn aus Waasser Damp, da kënnen dausenden Drëpse ganz Bierger u Wolleken entstoe loossen. Gefréiert et, esou bilden sech bizar Formen, wéi Schnéistären oder Äiskristaller.

Als Grondlag fir all Liewen op eisem Planéit präägt dëst Element och den Naturpark Öewersauer ganz entscheedend. Ënnert anerem fir de Filzprozess, bei dem aus lassene Wollfaseren duerch Handaarbecht ee fest Material entsteet, gëtt Waasser benéidegt. Esou inspiréiert dat killt Naass als Element an als Liewensraum d’Kënschtlerinnen Annette Quentin-Stoll (D) an Carine Mertes (L).

Filzausstellung WAASSER

Déi gefilzte Biller an Objete ginn duerch Fotografie vum Robert Quentin (D) ergänzt. Seng Observatioune ginn dobäi och a beweegte Biller festgehalen, sou datt d’Waasser duerch eng weider Dimensioun presentéiert ka ginn.

D’Filzausstellung WAASSER ka vum 17. November bis de 15. Mäerz an der Duchfabrik zu Esch-Sauer bewonnert ginn. Déi faarwefrou Ausstellung ass all Dag (ausser Mëttwochs) vun 10 bis 12 a vu 14 bis 17 Auer op. Weekends an u Feierdeeg (ausser den 25.12. an 1.1.) ass d’Expo Nomëttes vu 14 bis 17 Auer zougänglech. Donieft kritt de Visiteur d’Geleeënheet fir de Musée vun der Duchfabrik kucken ze goen a regional Produiten, sou wéi d’Diversitéit vun den „Duch vum Séi“ Produiten am Shop ze entdecken.

Den Entrée fir dëst Gesamtkonzept kascht 3 €, ze fannen ass d’Duchfabrikan der Rue de Lultzhausen 15 zu Esch-Sauer. Mir wënsche vill Freed!

Related topics Annette Quentin-Stoll, Ausstellung, Carine mertes, Duchfabrik, Esch-Sauer, Filzausstellung WAASSER, Naturpark Uewersauer, Robert Quentin
Next post Previous post