Search

You may also like

FIFA: Wa Gauner d‘Brigangen op d‘Geriicht huelen
Meenung Neiegkeeten

FIFA: Wa Gauner d‘Brigangen op d‘Geriicht huelen

Et kléngt wéi en Trappewitz vun der Geschicht an eigentlech

Feier zu Iechternach – Schlëmmeres konnt verhënnert ginn!
Meenung Neiegkeeten

Feier zu Iechternach – Schlëmmeres konnt verhënnert ginn!

Um 17:08 Auer gëschter Owend huet den 112 d’Noriicht vun

Nuklearen Transporter vu Greenpeace-Aktivisten a Frankräich beschmiert
Meenung Neiegkeeten

Nuklearen Transporter vu Greenpeace-Aktivisten a Frankräich beschmiert

Am Nomëtteg vum 17. Juni 2019 hunn Aktiviste vu Greenpeace

Firwat gëtt nëmme virun der eegener Dier gekiert?

Firwat gëtt nëmme virun der eegener Dier gekiert?

Elo ass geschwënn Nationalfeierdag – en ass net esou wéi ëmmer. Mä dat ass en souwisou ni, et mécht een all Joer nei Erfarungen, feiert op verschiddene Manéieren. Fir mech ass dësen Dag e ganz normale Wochendag. Oder och net, ech froe mech all 23te Juni dat selwecht. Firwat?

Wien mäin autobiographescht Buch (Wien geet Pappa eng Béier sichen?) gelies huet, weess dass ech deen Dag dem Dout vun der Schëpp gespronge sinn. Firwat probéiert en iwwerfuerderten, alkoholiséierte Mann säi Meedchen ze erschéissen?

Et ass geschwënn Nationalfeierdag an et kommen ëmmer méi Froen dobäi …

Firwat muss fir d’éischt e Video am Netz ronderëm kurséieren, wou e Schwaarze vu Polizisten ermuert gëtt, ier ganz haart Rassismus gejaut gëtt? Firwat muss e Virus iwwert eis hierfalen, ier mir eis eiser Stierflechkeet bewosst ginn? Firwat muss een Hashtag (#metoo) an d’Liewe geruff ginn, ier ëffentlech iwwer sexuell Iwwergrëffer geschwat gëtt?

Firwat muss eng Foto an de soziale Netzwierker e Symbol fir Ongerechtegkeet sinn – wou Kanner aus aarme Länner Honger an Duuscht leiden? Firwat gëtt eréischt no engem Amoklaf iwwert Waffegesetzer oder Waffen am allgemenge geschwat? Firwat gëtt eréischt u Flüchtlingen a Krich geduecht, wann eng Foto vun engem erdronkene Kand d’Ronne mécht?

Firwat erënnert en Opruff no waarmen Decken d’Mënschen drun, dass net jiddereen en Ënnerdaach huet? Firwat muss e Schluechthaiser gesinn, fir iwwert Déierenhaltung an d’Iessverhalen nozedenken? Firwat wonneren d’Mënschen an och Länner sech iwwer Regierungen a Politiker, déi se selwer gewielt hunn? Firwat muss d’Ozonlach méi grouss ginn – a Bëscher ofbrennen, ier e sech der Ëmwelt bewosst gëtt? Firwat muss sech e jonke Mënsch d’Liewen huelen, well Mobbing säi Selbstwäertgefill zerstéiert huet? Firwat gëtt eréischt dann iwwert dës Bedreeung geschwat?

Firwat gëtt nëmme virun der eegener Dier gekiert?

Sinn dës Froen net iwwerflësseg a just Fakten? Misste mir dat Wëssen net andauernd am Hannerkapp hunn? An anescht, méi besënnen a verstänneg handelen? Net dem Trend nolafen – a kee Gruppenzwang.

Ech géing et am léifsten erausjäizen!

Firwat? National, international – et ass mir egal.
Vive! Laang lief eis Mënschlechkeet. An d’Fäegkeet Empathie ze weisen.

Opmaacherbild © Emile Seguin / Unsplash

Related topics Bewosstsinn, de Bichergeck, Fakten, Firwat, Froen, Gesellschaft, Gruppenzwang, Kritik, Nationalfeierdag, Paradox
Next post Previous post