Sichen

Dir kéint och nach folgende gefalen

UNO: Budgetsrestriktioun fir d’Friddensmissiounen
Neiegkeeten

UNO: Budgetsrestriktioun fir d’Friddensmissiounen

Déi véier wichtegst Friddensmissioune vun der UNO „mussen de Rimm

Télétravail… zumindest gouf emol driwwer geschwat
Neiegkeeten

Télétravail… zumindest gouf emol driwwer geschwat

Bei deem wat den Debat zur Petitioun zum Recht op

SNE/CGFP: Surveillance am Schoulhaff ab 7.00 Auer
Neiegkeeten

SNE/CGFP: Surveillance am Schoulhaff ab 7.00 Auer

Wann den Educatiounsminister nach de 14. Mee 2020 gesot huet,

Flash-COVID N°2: Drogekonsum wärend der Pandemie

Flash-COVID N°2: Drogekonsum wärend der Pandemie

Déi zweet Editioun vu Flash-COVID beschäftegt sech mat der Situatioun vun den Drogekonsumente mat héijem Risiko (UDRH) wärend der COVID-19-Pandemie a sengen Erausfuerderungen, deenen sech Behandlungs- a Risikominderungsdéngschter am Beräich vun der Sucht géigeniwwer stinn.

Dës Gesondheetskris huet keen Deel vun eiser Bevëlkerung verschount, an nach manner déi Persounen, déi a prekäre Situatioune liewen. Déi national Bekämpfung géint d’Verbreedung vun dësem Virus soll inklusive sinn, fir datt kee vergiess gëtt. Jiddweree soll déi beschtméiglecht Fleeg kréien, entspriechend u seng mënschlech Bedierfnisser ugepasst.

Drogekonsum

© Gras Grun / Unsplash

Prekär Liewensbedingunge a gesondheetlechen Problemer

Fir Drogekonsumenten a Mënschen ouni Doheem ass Risikominderung e wesentleche Bestanddeel vun der Santé. Dëses Usaz ass wichteg fir d’Ënnerstëtzung ze garantéieren. Dozou gehéiert e séchere Konsum mat geréngem Risiko, Gesondheets- an Hygiènesmoossnamen ënner bescht méigleche Bedéngungen. An eng alternativ medezinesch Offer, déi Stabilitéit bedeit.

Wärend der Pandemie si vill innovativ Initiativen entstanen, zum Beispill d’Teleconsultatioun oder d’Kreatioun vun engem Opioidsubstitutionsprogramm. Dës Aarbecht konnt just wéinst der Zesummenaarbecht mat den Acteure op der Plaz erreecht ginn.

Fachkräft hunn aktiv dozou bäigedroen, datt de Service un déi jeeweils Bedierfnesser ugepasst ginn ass. An datt Kontinuitéit vun de Programmer séchergestallt gouf. D’Ministesch Corinne Cahen ass iwwerzeegt, datt d’Verännerungen, déi op der Plaz gemaach goufen, och iwwer dës Kris eraus als Beispill dénge kënnen.

Drogekonsum

Eng Kontinuitéit u Moossnamen

Zil vun dësem Dokument ass et, d’Risiken an d’Erausfuerderunge mat deene betraffe Leit konfrontéiert waren, an déi Moossnamen, déi ergraff goufen zu enger Kontinuitéit ze bréngen – mat där beschter Leeschtung an dem beschtméiglechste Schutz vu Fachkräft, déi dës Bevëlkerung iwwerwaachen.

A Lëtzebuerg huet d’Gesondheetskris zu enger Rei Andämmungsmoossname gefouert, fir d’Ausbreedung vum Virus kleng ze halen. Allerdéngs haten se och Auswierkungen op d’Bevëlkerung vum Land.

Eng besonnesch betraffe Grupp ass déi vun den Drogekonsumente mat héijem Risiko, déi opgrond vun hirer Situatioun vu Verwonnbarkeet an der sozialer Ausgrenzung enger gréisserer Gefor a Bezuch op Virus- oder aner Infektiounen ausgesat sinn. Deemno wéi besti scho Krankheeten (Komorbitäten) an hirem exzessive Liewensstil. Doranner falen och hier Verhalensweisen an Zesummenhang mam Drogekonsum.

Si musse vill Zäit op ëffentlechen Toilettë verbréngen an/ oder geschäftlech Plaze sichen. Si deelen d’Sprëtze mateneen an notzen déi selwecht Inhalatiounsapparater. D’Uwendung vu Schutz- a Sécherheetsmoossname si schwéier anzehalen. Donieft kann et zu klinesche Komplikatioune kommen (COPD, Asthma), déi duerch den Asaz vu Crack nach verschlëmmert gëtt.

D’Verwendung vun Opiode mécht d’Ootmung méi lues, dat kann zu Depressiounen an Otemstëllstand féieren. Well COVID-19 och Problemer mam Ootme mécht, klëmmt de Risiko vun enger Iwwerdoséierung.

Drogekonsum

© Ameer Basheer / Unsplash

Réckgang an Hausse beim Konsum

Behandlungsdéngschter verzeechnen e staarke Réckgank vun der perséinleche Kommunikatioun. Dës Consultatioune goufen duerch Teletravail, E-Mail,Videokonferenz oder sozial Netzwierker ersat. Raim goufen ëmstrukturéiert. D’Sprëtzeverdeelung an Hygiènesmaterial huet missen nei organiséiert ginn.

Obwuel sech d’Moossname bei verschiddene Konsumenten positiv zu enger Reduzéierung vum Konsum ausgewierkt huet, hunn d’Mesure fir UDHR, déi a prekäre Situatioune wunnen, éischter negativ Auswierkungen mat sech bruecht. Verschidden Drogekonsumenten, déi a prekäre Situatioune liewen, hu gesinn, datt se duerch hier Liewensëmstänn massiv Problemer duerch d’COVID-19-Kris kruten. Ganz besonnesch duerch de Wunnraum, schlechten Zougank zu Iessen, perséinlechen Hygiène, propper Kleeder, asw ..

Jo, et ass schwéier. En Entzuch an een neit proppert Liewe kënnt net vun haut op muer. Engersäits hätt d’Situatioun de Consommateur kéinte motivéieren, e Behandlungsprozess anzeleeden, mä dat erweist sech als schwiereg. Si sinn nach méi op kontrolléierte Konsum ugewisen. Wärend der Virusandämmung war den illegalen Drogemarché mat klammender Präisser an engem Réckgank vun finanziellen Existenzgrondlage konfrontéiert. An dësem Zesummenhang bezeien déi zoustänneg Institutiounen, datt e puer UDHR hire Konsum reduzéiert hunn, wärend anerer méi bëlleg zougänglech Substanzen zur Suchtbekämpfung benotzt hunn.

(*UDHR : Persoun, déi Drogen consumméiert, mat an oder Virerrankungen. Kann eventuell fir sech oder anerer eng Gefor duerstellen – gesondheetlech, sozial an pysychologesch Problemer kéinten optrieden.)


 Zéckt net, no Hëllef ze froen! Ab traut Iech ze unzehuelen …

Behandlungsdéngschtleeschter déi Risikoreduzéierung ubidden/pro Gemeng

Drogekonsum

Lëtzebuerg

  • Fondation  Jugend-  an  Drogenhëllef  (JDH)  –  Siège  :  service  de consultation, service médical, programme de substitution.
  • Fondation  Jugend-  an  Drogenhëllef  (JDH) –  K-28  :  service  d’orientation, structure bas seuil, service Parentalité, service Les Niches
  • Abrigado/CNDS  :  structure  d’accueil  et  d’hébergement  bas  seuil  avec salles de consommation supervisées
  • Service  IMPULS  de Solidarité  Jeunes  asbl  :    service  de  consultation psychologique et psychothérapeutique pour jeunes
  • Quai  57  :  service  de  consultation,  soutien  thérapeutique  et  orientation
  • Alternativ  Berodungsstell  (AB)  :  service  de  consultation  et  bureau d’orientation

Esch-Uelzecht

  • Fondation  Jugend-  an  Drogenhëllef  (JDH)  –  Maison  Esch  :  service  de consultation,  service  médical,  programme  de  substitution,  service  «  Les Niches »
  • Fondation  Jugend-  an  Drogenhëllef  (JDH) –  Contact  Esch  :  structure  bas seuil avec salles de consommation supervisées

Ettelbréck

  • Fondation  Jugend-  an  Drogenhëllef  (JDH) –  Contact  Nord  :  service  de consultation et orientation

Schëtter (Schraasseg)

  • Centre  pénitentiaire  de  Luxembourg  (CPL)  :  services  de  medecine psychiatrique  et  somatique  pénitentiaires  ;  programme  Suchthëllef (service de consultation et réintégration)

Mompech-Rouspert (Giwenech)

  • Centre  pénitentiaire  de  Givenich  (CPG)  :  services  de  medecine psychiatrique  et  somatique  pénitentiaires  ;  programme  Suchthëllef (service de consultation et réintegration)

Opmaacherbild: © Wild Vibes / Unsplash

 

Ähnlech Sujeten Behandlungszentren, Corinne Cahen, Coronakris, Depressiounen, Drogekonsum, Flash-COVID, Hëllef, Heroin, Hygiènesmesuren, Konsum, Opioidsubstitutionsprogramm, Otemstëllstand, Pandemie, Paulette Lenert, Prekaritéit, Risikominderungsdéngschter, Santé, Sprëtzen, Sucht, Teleconsultatioun, UDHR
Nächsten Artikel Virrechten Artikel