Search

You may also like

Fält National Feierdag aus? Zwar net!
Kultur Neiegkeeten

Fält National Feierdag aus? Zwar net!

Gutt grouss Party an honnertdausende Mënsche wëll dëst Joer keen

CSJ: Deene jonken eng reell Chance bidden
Kultur Neiegkeeten

CSJ: Deene jonken eng reell Chance bidden

De „Conseil Supérieur de la Jeunesse“ (CSJ) hat rezent dem

Brasilien betrëtt eng nei Ära
Kultur Neiegkeeten

Brasilien betrëtt eng nei Ära

Wa sech Rio de Janeiro zum Joreswiessel vu senger entspaanter

Fondation EME: Äre Concertsvideo fir Altersheemer!

Fondation EME: Äre Concertsvideo fir Altersheemer!

Déi rasant Ausbreedung vum Coronavirus zwéngt Lëtzebuerg zum reegelrechte Stëllstand. Elo wou all Evenementer ofgesot sinn a sozial Kontakter op ee Minimum reduzéiert solle ginn, froe sech net nëmme Kanner, Jugendlecher an Erwuessener, wéi si hier Zäit verbrénge solle, mee och eng Villzuel u Senioren an den Alters- a Fleegeheemer.

Ma, och wann zuelräich Concerten hu missen ofgesot ginn, ass dat fir d’Fondation EME kee Grond, de Leit net weiderhin Freed un der Musek ze vermëttelen. Schliisslech maachen déi nei Technologien et hautdesdaags méiglech, per Video den Alldag vun eelere Leit ze verséissen. Aus dësem Grond mécht d’Fondation EME ee ganz waarmen Appell un d’Museker dobaussen: Mat engem klenge musikalesche Video gëtt all deenen eng immens Freed gemaach, déi duerch déi aktuell Situatioun kee Besuch vun hire Famillen empfänke kënnen.

Wéi soll dat goen? Et ass ganz einfach:

  1. Huelt Äre klenge Concert als Video op
  2. Verëffentlecht dëse Video op Facebook oder YouTube
  3. Leet de Link un d’Fondation EME weider

D’Fondatioun këmmert sech uschléissend dorëm, datt dat musikalescht Wierk um Zil ukënnt. Bis ewell goufen schonn e puer flott Projete realiséiert, wouriwwer d’Alters- a Fleegeheemer immens dankbar waren. Endlech e bëssen Ofwiesslung!

Bei weidere Froen kënne sech Interesséierter beim Sarah Bergdoll via contact@fondation-eme.lu mellen.

Fondation EME

© Sarah Bergdoll

Méi zur Fondation EME

Scho säit 2009 ass et d’Missioun vun der Fondatioun EME, fir Mënschen een Zougang zur Musek ze erméiglechen, déi vum kulturelle Liewen ausgeschloss ginn. Dës sozial Initiativ mat heelendem Charakter ënnerstëtzt een interaktiivt Musek-Erliefnis a bréngt divers Gruppen zesummen, fir un de räichhaltegen Offeren deelzehuelen. Am vergaangene Joer huet d’Fondatioun mat Häerz säin 10. Gebuertsdag grouss dirfe feieren.

 Opmaacherbild: © Sébastien Grébille

Related topics Altersheem, Ausnamezoustand, Concertsvideo, Coronavirus, Covid-19, Ënnerhalung, Fleegeheem, Fondation EME, Musék, Ofwiesslung
Next post Previous post