Search

You may also like

Konscht am Gronn – Dëse Sonndeg nach eppes méi extravagant
Kultur Neiegkeeten Stories

Konscht am Gronn – Dëse Sonndeg nach eppes méi extravagant

E Sonndeg de 4. August stellt sech d‘Stad Lëtzebuerg ganz

Weltbank versprécht Milliarde fir de Klima
Kultur Neiegkeeten Stories

Weltbank versprécht Milliarde fir de Klima

Um haidege Méindeg huet d‘Weltbank d‘Mobiliséierung vu ronn 200 Milliarden

Dreckskëscht… Benotz se!
Kultur Neiegkeeten Stories

Dreckskëscht… Benotz se!

Et weess een et net. Soll een de Kapp rëselen

Food For Your Senses: D’Top 6 vum Owend!

Ee musikaleschen an artisteschen Ofschid vun enger ganzer Festival-Ära steet un. Un dësem Weekend fënnt déi allerlescht Editioun vum Food For Your Senses Festival statt, an dat um Kierchbierg. A fir dëst Funeral Feast, wéi d’Organisateuren d’Evenement genannt hunn, hu sech dausende begeeschtert FFYS-Fans freedeg op de Wee gemaach, fir nach emol esou richteg ze feieren!

Bei dëser leschter Editioun vun engem ganz besonnesche Festival hunn d’Organisateuren fir den éischten Dag op eng Lëtzebuerger Kombo als Headliner gesat. Natierlech war een op der Sich no ganz spezielle Gäscht fir esou ee speziellt Evenement. Schnell ass een zum Entschloss komm, dat eist Land esou fantastesch Gruppen ze bidden huet, datt d’Entscheedung schnell getraff war.

Aus alle vergaangene FFYS-Festivals sinn 6 Top-Bands aus der eegener Heemescht ausgewielt ginn, déi zesummen optriede sollten. Ganz besonnesch houfreg ass een dorop, datt sech souguer 2 Gruppen extra fir dës Geleeënheet nees zesummen op d’Bühn gewot hunn, obwuel si sech eigentlech opgeléist haten. Fir d’Organisateuren ass dat méi, wéi ee Liebesbeweis!

Wien war dann do?

Esou eng Opmaachung huet een zu Lëtzebuerg nach ni gesinn. Et huet misse schnell goen, fir datt déi 6 Gruppen all esou schnell noeneen op der Bühn ofrappe kënnen, an awer hunn d’Techniker dës Erausfuerderung mat Bravour gemeeschtert!

Ugefaangen hunn um 21:30 Auer déi Escher Reggea-Rocker vun The Disliked. Trotz de wéinege Minutten hu si eng immens Leeschtung vollbruecht, hir Fans vollkommen fäerdeg gemaach an de Kierchbierg zum Biewe bruecht. Wien si verpasst huet oder d’Show ze kuerz fonnt huet, dee sollt onbedéngt den 31. Mee notéieren. Um kommende Freideg feiere si nämlech an der Kulturfabrik d’Release vum neien Album mam Numm Reggea Rescue!

Weider goung et mat der véierkäppeger Punk-Rock Band Versus You. Säit Joren sinn si an der Zeen bekannt fir hire kräftege Sound mat schnellem Beat. Säit 2005 faszinéiert d’Grupp ëm den Eric Rosenfeld souguer iwwert d’Grenzen vu Lëtzebuerg.

Mir bleiwe weider beim Rock, ginn allerdéngs an de Beräich vum Lëtzebuerger Electro-Rock. Inborn! faszinéiert scho säit Joren eis Land, mat hire Kläng, wou ee gäre mol Loscht kritt drop ze danzen.

Och Mutiny On The Bounty huet et op de Festival gepackt! Dës Type beweisen, datt een och ouni Gesang esou richteg ofrocke kann an dausende Fans zum wibbele brénge kann.

A wien hate mir dann hei? Een iwwerraschenden Optrëtt ass et mat Eternal Tango ginn, déi sech 2002 gegrënnt, awer 2012 leider nees getrennt hunn. Zum Gléck konnte si sech fir de FFYS erëm zesumme setzen an esou hir Top-Lidder, wéi beispillsweis „Golden City“ spillen. Mir hunn eis op alle Fall riseg gefreet iwwert dësen Optrëtt!

Zu gudder Lescht war et dunn un den alen Hip Hop Huesen vun De Läb. Dës lëschteg Kärelen dierfen op kengem Festival feelen. An esou hu si sech esou richteg a Schuel geschmass a sinn all zesummen am groen Schaffkostüm an Kappbedeckung opgetrueden. Als ofschléissenden Act hu si hir Fans nach emol esou richteg an Hysterie versat! A souguer mam Fotoapparat am Grapp konnt ee sech net beherrschen…et misst een einfach mat wibbelen.

Um haitege Sonndeg wäerte mir Gruppe, wéi Seed To Tree, de Serge Tonnar & Legotrip oder och d’Kate Tempest um Kierchbierg begréissen dierfen. Mir freeën eis schonns a wënschen och alle Visiteure vill Spaass Spaass Spaass!

Related topics Concert, De Läb, Eternal Tango, Festival, Food For Your Senses, Inborn, Kierchbierg, Musék, Mutiny On The Bounty, The Disliked, Versus You
Next post Previous post