Sichen

Dir kéint och nach folgende gefalen

Minister vergräift sech um Kollektivcongé!
Neiegkeeten

Minister vergräift sech um Kollektivcongé!

Och fir e François Bausch (déi gréng) gëtt et Limitten,

Esch-Uelzecht: De Budget am Mëttelpunkt
Neiegkeeten

Esch-Uelzecht: De Budget am Mëttelpunkt

Déi lescht Gemengerotssëtzung vun 2017 huet sech bal integral mat

De Maibock: den eigentlechen Ambassadeur vum Lëtzebuerger Summer
Neiegkeeten

De Maibock: den eigentlechen Ambassadeur vum Lëtzebuerger Summer

A schonn nees esou e Béierchen, bei deem der d‘Waasser

François Bausch: D’Strooss ass keng Rennstreck!

Eng Sensibiliséierungscampagne fir Motocyclisten

François Bausch: D’Strooss ass keng Rennstreck!

Um 5. Abrëll 2019 huet den Transportminister François Bausch, a Kollaboratioun mat der Sécurité Routière Asbl, der Administratioun vum Ponts et Chaussées, sou wéi der Lëtzebuerger Police déi nei Sensibiliséierungscampagne fir d’Stroossesécherheecht vun de Motocycliste virgestallt. Dëst Joer leeft d’Aktioun ënnert dem Numm „D’Strooss ass keng Rennstreck“.

Och wann d’Zuel un Accidenter op eise Stroossen eng positiv Evolutioun erlieft, esou sinn et awer nach ëmmer d’Motocyclisten, déi oft zum Affer vun eise Stroosse ginn. Aus dësem Grond huet den Aarbechtsgrupp „Motocyclistes“, déi aus Acteure vun der Sécurité Routière a weideren Associatioune vu Motocycliste besteet, sech engem Aktiounsplang mat 13 Moossnamen zur Sécherheet vun eise Fuerer op de Motorrieder zougewandt.

Déi wichtegst Mesure stellt heibäi de Kampf géint d’Iwwerschreidung vun der Vitesse duer. Bei enger mobiller Radarkontroll vum 22. Juni bis den 10. Juli 2018 war bal d’Halschent vun de 443 Infraktiounen duerch Motocycliste verschold. Aus dësem Grond organiséiert d’Police elo nach méi oft systematesch Vitesskontrollen, Kontroll vun de Pabeieren a vum Zoustand vum Gefier, an dat virun allem u sonnege Weekender am Norde vum Land.

Eng weider wichteg Moossnam ass de Schutz a geféierlechen Zonen. Heivir soll zum Ufank vun der Saison am Formatiounszenter fir Fuerer zu Kolmer-Bierg ee weideren Dag „Fit for your Bike“ agefouert ginn. Duerch déi vill Motocyclisten aus dem Ausland soll och d’Presenz op Social Media verstäerkt ginn.

Ziel ass et ze sensibiliséieren an op d’Geforen opmierksam ze maachen. Schliisslech kann eng ze héich Vitess mam Dout endegen. Eis Stroossen si schéin, mee och geféierlech, wouduerch ee sech mat engem ugepasste Verhale viru schlëmme Konsequenze schütze kann.

D’Campagne gëtt vun haut bis zum 15. Mee 2019 affichéiert. Donieft wäert d’Press verstäerkt op d’Aktioun opmierksam maachen, sou wéi och Fernseh- a Kino-Spotten, 45 Panneauen op eisen nationale Stroossen, 340 Publicitéiten op Panneauen, Affichagen op 20 RGTR-Busser, Affichagen op den Bildschiermer am Tram a Bus sou wéi op den Haltestellen, Presenz um Internet a Social Media.

Ähnlech Sujeten Accident, D'Strooss ass keng Rennstreck, François Bausch, Motocyclist, Police, Sensibiliséierungscampagne
Nächsten Artikel Virrechten Artikel