Sichen

Dir kéint och nach folgende gefalen

De Serge Tonnar als Iwwersetzer – Liesung mat Gespréich a Musek.
Fail Geek International Neiegkeeten

De Serge Tonnar als Iwwersetzer – Liesung mat Gespréich a Musek.

Am Joer 2019 huet de Serge Tonnar gläich 3 Wierker

What the Fakt – Pickt den Hitchcock dann nach richteg?
Fail Geek International Neiegkeeten

What the Fakt – Pickt den Hitchcock dann nach richteg?

Et ass ewell 56 Joer hir, datt de britesche Regisseur

Springbreak Luxembourg – D’Foire fir Innovatioun, Kreativitéit an Trends
Fail Geek International Neiegkeeten

Springbreak Luxembourg – D’Foire fir Innovatioun, Kreativitéit an Trends

Vum 14. bis de 17 Mäerz 2019 gëtt an der

dislikegeek

Frankräich: Google kritt eng Amende vu 50 Milliounen

Franséisch Dateschutzkommissioun verlaangt vu Google eng besser Informatioun iwwert den Ëmgang mat de perséinlechen Date vun de Benotzer

Frankräich: Google kritt eng Amende vu 50 Milliounen

D‘CNIL (Commission Nationale de l‘Informatique et des Libertés) werft dem amerikaneschen Internetkonzern ënnert anerem e Mangel un Transparenz, an eng feelerhaft Informatioun vir. E Méindeg huet d‘CNIL informéiert, géint de Bedreiwer vun der gréisster Sichmaschinn an aneren online-Déngschter, eng Rekord-Amende vu 50 Milliounen Euro, géintiwwer Google verhaangen ze hunn.

An d‘Dateschützer am Frankräich sinn däitlech bei der Begrënnung: „Mir bestreiden net, datt Google den Notzer informéiert, iwwert dat wat mat sengen Date geschitt, wann hien d‘Déngschter vun der Entreprise notzt“, esou de Direkter vum Service Rechtschutz a Sanktioune bei der CNIL, Mathias Moulin „mee d‘Informatioune sinn op verschidden Dokumenter verdeelt, an et brauch deels bis zu fënnef Schrëtt fir eng Informatioun ze erhalen“.

Am Frankräich ass een unhand dëser Expertise zum Schluss komm, datt Google dem Notzer keng „kloer a verständlech“ Informatioun zoukomme léisst. Domatter ass d‘CNIL déi éischt europäesch Reguléierungsinstanz, déi engem „gewiichtege Géigner“ op der Basis vum GDPR (Europäesch Dateschutzdirektiv) e Protokoll ausgestallt huet.

Déi europäesch Direktiv zum Dateschutz ass de 25. Mee 2018 a Kraaft getrueden, an huet fir d‘Entreprisen eng ganz Rëtsch u Verflichtungen agefouert, deenen déi sech unzepassen haten. Google ass dat éischt grousst Affer, vun engem Gesetz mat Sanktiounscharakter. An et sollt een kengesfalls de Geck maachen, well hei kann am Extremfall d‘Strof bis zu 4% vum weltwäiten Ëmsaz bedroen. A 50 Millioune bezilt och Google net gären…

Et ass allerdéngs keng „eegen Initiativ“ vun der CNIL, dat et zur Bestrofung vu Google komme konnt. Och eng CNIL brauch e Kläger, an esou war et d‘Associatioun „La Quadrature du Net“ déi d‘Plainte géint Google agereecht huet. Dës Associatioun verlaangt elo vun der CNIL sech och zu anere „Google-Déngschter“ auszedrécken.

Am Viséier vun der CNIL stinn elo d‘Plattformen: YouTube, Gmail a Google Search. Et läit op der Hand, datt den Ëmgang mat de perséinlechen Daten hei genee esou frauduléis ass. Firwat sollt Google och ënnerschiddlech Reegele jee no Déngschtleeschtung aféieren? Et dierft allerdéngs net einfach sinn, sech dem GDPR ze ënnerwerfen, dee géint all liberal Prinzipie vum Turbo-Kapitalismus verstéisst, an eigentlech wëll Google och net op profitabel Donnéeë verzichten.

Ähnlech Sujeten CNIL, Datschutz, GDPR, Gesetzesverstouss, Google, La Quadrature du Net
Nächsten Artikel Virrechten Artikel