Search

You may also like

De Streik am Frankräich bréngt e schwaarzen Dënschdeg
International Neiegkeeten

De Streik am Frankräich bréngt e schwaarzen Dënschdeg

Nom Warnschoss vum 22. Mäerz geet et haut am Frankräich

T’ass Schoulrentrée – Passt op d’Kanner op!
International Neiegkeeten

T’ass Schoulrentrée – Passt op d’Kanner op!

Déi eng freeë sech, déi aner manner: t’ass Schoulrentrée. Ab

The Original USA Gospel Singers & Band zu Besuch am Trifolion
International Neiegkeeten

The Original USA Gospel Singers & Band zu Besuch am Trifolion

Iwwer 20 Joer Tournee-Erfarung a méi wéi eng Millioun Fans

Franséischen Nationalfeierdag: Zu Éiere vum Fleegepersonal a Militär

Op Invitatioun vum franséische President Emmanuel Macron huet d’Lëtzebuerger Gesondheetsministesch Paulette Lenert gëschter um franséischen Nationalfeierdag zu Paräis deelgeholl. Mat dobäi waren och Representanten aus Däitschland, der Schwäiz an Éisträich, déi sech symbolesch op der Place de la Concorde zesummefonnt hunn. Vun den 161 franséische Patienten, déi wärend der sanitärer Kris vun dëse Länner opgeholl gi sinn, goufen 11 Patiente a 4 Lëtzebuerger Spideeler behandelt.

Wärend der Zeremonie, déi dëst Joer méi kleng ausfale misst, stoung virun allem den Engagement vum Fleegepersonal an dem Militär am Virdergrond. An dësem Kader koum et och zum Echange tëscht der Gesondheetsministesch an hiren Homologen Jens Spahn (Däitschland), Rudi Anschober (Éisträich), Alain Berset (Schwäiz), wéi och mam WHO-Generaldirekter Tedros Adhanom Ghebreyesus.

Beim gemeinsame Mëttegiessen gouf iwwert déi generell Situatioun, wéi och iwwert d’Lag an de jeeweilege Länner diskutéiert. Donieft goung et ëm de weidere Verlaf, d’Preparatioune fir den Hierscht an d’Léieren, déi een aus der Pandemie gezunn huet.

„Mir hunn et fäerdeg bruecht déi éischt Courbe relativ déif ze halen, dank dem Engagement an der remarkabeler Solidaritéit vun den Dokteren, Professionellen an der Santé, Benevollen an eise Bierger. Haut konzentréiere sech all eis Beméiungen op de Monitoring vun der Evolutioun vun der Situatioun an op d’Preparatioun fir eng eventuell zweet Well“, sou d’Paulette Lenert.

Ma, duerch d’Hausse vun Neiinfektiounen zu Lëtzebuerg huet d’Gesondheetsministesch och nach emol déi ambitiéis a groussflächeg Teststrategie am Groussherzogtum erkläert. De Large Scale Testing mécht et nämlech méiglech, vill asymptomatesch Persounen ze fannen, an och hir Kontakter zeréckverfollegen ze kënnen. „Zil vun dësen Demarchen ass et d’Infekiounsketten ze briechen an d’Kapassitéite vum Gesondheetssystem ze schützen“, ënnersträicht d’Paulette Lenert.

Vu que datt d’Grenzgränger 46 % vun eiser Aarbechtskraaft ausmaachen, ginn och si bei den Tester vu Lëtzebuerg abezunn. Ee Grond méi, wisou sech d’Situatioun bei eis vun anere Länner ënnerscheet an et och en erhéichten Taux un Neiinfektioune gëtt.

Um europäeschen Niveau louch Lëtzebuerg beim Monitoring vun den Doudesfäll wärend der zougespëtzter Phas ënnert dem Niveau vun enger substantieller Erhéijung.

Related topics Covid-19, Emmanuel Macron, Fleegepersonal, Franséischen Nationalfeierdag, Gesondheet, Jens Spahn, Large Scale Testing, Militär, Olivier Véran, Pandemie, Parad, Paulette Lenert, Rudi Anschober, Tedros Adhanom Ghebreyesus, WHO, Zeremonie, Zweet Well
Next post Previous post